Nk’yajchaq tnom te Paxil, winqen lajoj te tlajojen xjaw (AGN).- Te nejenel Bernardo Arévalo ma tz’elqe tu’n jun Yol Jqo’n ex nim toklen kyuk’e xnaq’tzb’en te nin ja te xnaq’tzb’il, aye’tzun kub’ kyaq’pu’n aju’ kxim tib’aj b’e’ ex aq’untj kxel b’inchet tu’n tel b’an chwinqlal toj tnom te Paxil ex b’an kye kkyaqilx xjal.
Oksla’n qu’n qa aye’ ku’xen te ja’qe’ ex tanum ch’ixpu’b’l te tkyaqil tnom”, atzun tma nejenelju’ toj “yol kyuk’e ku’xen b’aj te qonik’en te martes kyajne, jatu’me’ ib’ajtene’ b’a’mpe’ xnaq’tzb’en kye tja xnaq’tzb’il nim kyoklen toj tnom te Paxil.
Aju’ yol, atz tzaje’ qeye toj nin ja te xnaq’tzb’il Universidad del Valle de Guatemala (UVG) ex kyoj tilb’ilal te tnom te Paxil ex kyojqe’ tb’eyel te nejenel, atzun tnejel Yol matx tz’elqe kxolqe’ jni’ nk’u’n ky’j kyuk’e’ tnej te tnom tib’aj chwinqlal te tkyaqil tnom.
Qe’ xnaq’tzb’en ku’b’ kchikb’an jni’qexju’ mu’x ex nimaq il
Ten a’mb’il kye xnaq’tzb’en tu’n kxjelen teku’ nejenel Arévalo kyb’aj il kye ku’xen, ex qe’ nchi b’inchan to’q’ex toj kchwinqlal xjal te tkyaqil tnom.
Tojtzu’n tu’mel aju’, ib’aj xjelen tib’aj xnaq’tzb’il, tb’eyele kyoj ak’aj aq’olmil, tu’n toks txqantl puaq, tu’n t-ten txqantl aq’untj, tu’mel chwinqlal, kolb’il kye xjal, tzaqpi’b’l, aq’untj tu’n tkub’aj iyle’q’en, xtokb’il ti’j toklen xjal ex b’inchb’en txqantl ti’xti’ njaw txkanali’n xjal.
Kxoltzu’n jni’ kyajb’il ku’xen te qtnum te Paxil, te nejenel Arévalo tma qa lu naq’onan, toj tkyaql kq’o’b’ aq’untj tu’n t-ten jun chwinqlal te b’an te tkyaqil tnom.
Ato’ twitz jun chwinqlal jatu’me’ nimxix tajb’en xnaq’tzb’il te juntl kol kye ku’xen, chi nejenel.
Twitztzu’n il lu, chitzun nejenel qa kjel ka’b’e’ jok’al k’y’ ni’kjan millón puaq, tajlal twitzele ab’q’i kjawel lq’e tuk’e jun tajlal nimxix.
Te xim tuk’e’ lu aju’ aye’ xnaq’tzb’en tb’anel tajlal netz kyu’n ti’j kxnaq’tzb’il tu’n mi chi kyaje’ atzu’ tla’ tu’mel tu’n kxi’ kyoj nin ja te xnaq’tzb’il. Te Nejenel te’ plaj aju’, kxtokyel kyuk’e’ xnaq’tzb’en tu’n txi kljo’n kxnaq’tzb’il kyoj nin ja te xnaq’tzb’il tojx qtanum ma ti’jxe’.
Ate il ti’j aju’ tu’n mi chi ximen ma tzaj kb’is ti’j kyaq’en tu’n o’kx chi ximele’ tu’n kxnaq’tzan. ky’j , xnaqtzb’en te qtanum toj kq’o’b’ ta’ye’ tu’n telb’an tchwinqlal qtanum chi nejenel.
Tmaxix qa qaj tu’n telb’an chwinqlal il ti’j puaqte iktzun t-tenju’, naqx toj b’eljoj xjaw, te nejenel otaq knet wajxaq millón kpuaq xqan xjal tu’n.
Los jóvenes me inyectan de energía, me llenan de esperanza y me comprometen a trabajar en este proyecto de cambio que estamos construyendo.
Guatemala es un país de sueños, de trabajo y de juventud. pic.twitter.com/arbt4qRtRV
— Bernardo Arévalo (@BArevalodeLeon) October 30, 2024
Nejenel jyon tb’eyel kypumal ku’xen
Toj tnejel yol jqo’n ib’ajten xnaq’tzb’en te San Carlos (USAC)- a nintzju’ toj tkyaqil tom- aye’tzun nia’ te tnomqe’ UVG, Landivar, Francisco Marroquín, te Istmo, jun tq’ob’ juntl nin ja te xnaq’tab’il.
A nejenel Arévalo tmaxix ato’ye’ te ajb’el se’nku’ jun tanmun kxb’il ntjyo’n tb’eyel kypumal ku’xen nchi jyon tu’n kyonen tu’n telb’an chwinqlal kye kyaqil xjal te tnom te Paxil.
Tma nim txqan aq’untj kxel b’inchet, aye’ il kye xjal nimxixqe’, atzxix kyojqe’ kojb’il te ntom, jatu’me’ nchi anq’ine aye’ kwinaqle kyb’ nchi anq’in toj xlayaj ma me’b’e’il. toj kyaje’ ab’q’i lay chi b’ant jni’ il lu tu’n tzajne klo’k matx b’ant kyaje ma jwe’ jok’al ab’q’i oje chi’k’ kna’l.
Ok tyek’en, qa a toklenju’ ex ta’q’en, tu’n tku’b’ tquqb’il jun chwinqlal te kyexix at kyokeln xjal ti’j. Iktzun t-tenju’ qo aq’ona’le’ tu’n tten jun tnom toj jun chwinqlal te tb’anel.
Ti’jte’ o’nb’il ti’j toklen ex kxe’chel xjal, tma, tuk’e puaq jaw laq’b’et, nim puaq xi’ te tnej aj zuyel ex b’itzel te qtnum, jaku’ txi nimtze ma tu’n kku’b’ kq’o’b’ kyoj txqant k’o’k’e’ tnom tu’ntzun kxtoklen kib’.
Tk’am aju’ kypumal ku’xen tuk’e kxim qa , ma tz’ok kmujb’an kyb jaku’ ch’ixpuj kchwinqlal xjal kyoj tkyaqil tnom, atz ele’ ni’k’ ti’j sk’o’b’l b’aj toj qtanum, te’ aye’ jni’qexju’ ku’xen ib’aj sk’on ti’j toklen xjal toj tkyaqil tnom ex kolel ti’j jun eyle toj kchwinqlal xjal.
Toj juntl plaj, a nejenel ma wi’xen atzun il ti’j tu’n taq’onan kuw ex toj xtilen aq’untj te b’an te kchwinqlal k-kyaqilx xjal te tkyaqil tnom, atzun tyol nejenel Arévalo.