Nk’yajchaq qtanum te Paxil, wajxaq te xjaw lu (AGN).- Aju’ tnej ka’yel ti’j aq’untj ky’j b’e ex ja (CIV) toj xtilenta’ aju’ kawb’il ti’j aq’untj kxel b’inchet tu’ntzun t-ten toj xtilen junje aq’untj kxel b’inchet akxtaq at il tu’n jb’al.
Aju’ tnej kub’ taq’pu’n qa, tuk’e xim tu’n txi b’inchet toj xtilen ex at kolb’il ti’ju’ junje t-txolel aq’untj kxel b’inchet tojxix tu’mel aju’ aq’untj tu’ntzun tkyaj tb’anel techel kye txqantl. Tu’ntzun aju’ ate tnejel kxel b’inchet aju’ tu’n kxi aq’untj toj ch’intqan toj tb’i tnej ka’yel ti’j aq’untj Guatecompras, toj tb’yel u’j te nejenel kyexel tqanel kye tnej kyaj tu’n kyokx tuk’e kyu’j qa jaku’ chi kaman ti’j aq’untj.
A ta’q’enju’ jni’qexju’ q’il twitz tnom a tq’uqb’ilju’ tu’n txi b’inchet aq’untj tojxix xtilen, tu’ntzun aj kxi b’inchet jni’ aq’untj il ti’j tu’n tb’injs tu’n tnom.
Tojtzu’n tqanel te ax, aju’ CIV tma:
Axju’ ikju’ qa toj il ta’ tnom, kyajb’elx qeye’ aye’ tnej chi sk’olqe’ tnej chiexel b’inchane aq’untj, nqo lpeye’ ti’j aju’ nq’umlejs toj t-txu kawb’il, tu’n txi b’inchet jun aq’unj toj xtilen ajtzun kxe sipet qe’ aq’untj toj jun tu’mel jqo’m ex xtilen.
Echb’il aq’untj toj xtilen
Te CIV nxi tq’on kyoklenqe’ jni’qexju’ q’il tqanel tu’n kyelb’an jni’qexju’ aq’untj, tu’n ntxokyen ki’j xjal tu’n kten ka’yelte aq’untj se’n nxi b’inchet ex tu’n txi q’met kye xjal te tnom, nxtokyen tu’n txi b’inchet toj xtilen ex toj tu’mel junje aq’untj nxi b’inchet.
Aju’ tnej lu ntzaj tchi’kb’an qa jun txol qamaj ilxix ti’j aju’ tu’n t-ten yol achq’al kxolqe’ jni’qex tnej nchi aq’onan te tnom tu’n txi chi’b’et kye achaq t-txol se’ntte tu’n tjaw chmet tqanel kyb’ajqe’ junje ti’xti’ matx chi baj xitj tu’n tb’aj ka’yet ti’j ex se’n tu’mel kyaq’el tzaqwe’b’l kye tu’n kxi b’inchet.
Chi’kb’a’bl te aq’untj
Jun echb’il aq’untj nimxix toklen aju’ chi’k’b’a’l se’n pone’ aq’untj. Ate’ lu kxel b’inchet aj nik’ja’me’ aq’untj ti’j se’nta’ il.
Ate’ chi’k’b’a’b’l ti’ puaq otaq b’aj kxel smet te nejenel te tnom ex te ka’yil ti’j puaq te tkyaqil qtanum. Te’ lu kyelex chi’k’b’et kye tnom kyojqe’ tb’eyel tqanel te teku’ tnom.
Okxix kxel b’inchet jun chi’kb’a’b’l toj t-txolil ti’jele junje aq’untj matx b’inchet, tu’k’e xim tu’n tiwlejs jachaq tu’me xb’aje’ junje puaq kyoj xjaw te aq’untj. Tuk’etzunlu at techel ti’j jachaq tu’me kjabele’ puaq tojxix tu’mel ex xtilen
Tnejelchaq junje aq’untj
Te CIV ok t-tzaqtza’n ti’ju’ tyol qa aju’ il tu’n jb’al ntqanen tu’n txi b’inchet aq’untj toj ch’intqan.
Chitzu’n tnej ka’yel ki’j b’e’, ate kxe’nej toklen te tnejel aju’ b’e’ nintz twitz Palín-Escuintla tu’n tb’aj b’inchet ex tu’n tajb’enaj toj ch’intqan.
Toj aq’untj kxel b’inchet te’kxqe’ q’anje tu’n ksaj lq’et tojxix ch’intqan tu’n kb’aj ku’b’ jatu’me’ atxixju’ il. Ex ikxju’ at xim tu’n ktzaj majanetqe’ nimaq kxb’il, tu’n ktzaj jyet jni’qexju’ aq’omil tu’n taq’le jun tzaq’we’b’l te il toj ch’intqan. Ti’jxe’tzun jni’ lu ok chitzajel jyet ya tu’n tjab’en kye xjal at il ky’j se’nku’ toj kchwinqlal ex xnaq’tzb’il.
Jun aq’untj matx txi ka’yet ti’j ex tu’n txi b’inchet toj ch’intqan aju’ CA-9 plaj kubt, Palín, Escuintla tu’n nimxix tajb’en.
En español:
CIV adopta medidas para garantizar transparencia durante estado de calamidad