Armita, 24 richin ri ik’ mayo (AGN).- Ri rajpopi’ amaq’ richin ri tinamït Xinka xuk’ul ri chanpomanel, Bernardo Arévalo, chupam ri tinamital richin Santa Rosa.
Pa jun retmolaj ri xib’anatäj chupam ri ruq’a’ tinamït San Juan de Arana, richin ri tinamït Cuilapa, Ri tinamït xinca xumatyoxïk ru’aponem ri chanpomanel, akuchi’ xkiya’ rejaqalem ri rusamaj chupam ri nab’ey taq ik’ chuwäch ri Organismo Ejecutivo. Chuqa’, ri kamöy taq b’ey xincas xkik’ut ri kitonïk chire ri administración richin ri chanpomanel Bernardo Arévalo chuqa’ ri ruka’n chanpomanel Karin Herrera kan xikiya’ rejaqalem chi rije’ e samajnäq pe chi e ka’i’ y kan nitz’etetäj kiyirisanem chupam ri amaq’.
Ri ruk’u’x ri aponem re’ ja ri’ rujuch’ik jun cholsamajib’äl richin samaj chi kikojol ri chanpomanel chuqa’ ri tinamït xinca, atowab’äl ri nujikib’a’ oxlajuj peraj richin k’ulunem chupam ri setajulew.
Marisol Guerra, jun ajpop tinamït chuqa’ k’amöl b’ey richin ri tinamït xinca, xunimaq’ijuj ru’aponem ri chanpomanel chuqa’ kan xujikib’a’ ri rutonem ri tinamït chi kan nirajo’ nsamaj rikin ri chanpomanel pa ruwi’ rutob’anem ri junawäch chuqa’ ri ch’ojib’äl kichin ri achamaq’i’ winaqi’.
Ke re’ xub’ij Guerra:
K’in kikotem xqajäq ri ruchi’ jay richin ri qachoch, achi’el rat xajäq ruchi’ jay richin ri nimak’amajay.
El presidente @BArevalodeLeon fue recibido por el Parlamento del Pueblo Xinka en el departamento de Santa Rosa. Durante el encuentro se firmó un convenio de trabajo compartido.
📸: Gilber García @AGN_noticias pic.twitter.com/tFyRoi6wNl
— Yuliza Muñoz (@YuliMunozGT) May 20, 2024
Qatunun qi chupam ri tijomal
Ri k’amöl taq b’ey richin ri tinamït xinca xkib’än aprovechar ri ru’aponem ri chanpomanel richin xkiya’ matyoxinïk chire ruma ri k’ulub’elil ri ruya’on pa tinamït, ri koyan pe k’ïy juna xa emestan kan.
Chuqa’ xkinataj ri uchuq’ab’il chuqa’ ri achib’ilil ri xkiya’ chire ri binomio presidencial ri juna’ xik’o kan xkinatäj chuqa’ chi k’a e pa’el pa ruwi’ ri tijomal chuqa’ wakami xa kan janila kuchuq’a’ k’o ruma k’ïy kimolon ki’.
Ri tinamït xinka ruyo’on ruququb’ab’äl k’u’x rik’in ri k’ak’a’ chanpomal chuqa’ retaman chi ri resultados xa xtuk’uwaj q’ij po kan nkirayb’äj nkitz’uyb’a’ ri ruxe’el ri nik’atzin richin ruq’ixïk jun ütz k’iyirisanem.
Aleisar Arana, ajpop tinamït chuqa’ k’amöl b’ey richin ri tinamït xinca, xub’ij chire ri chanpomanel:
Qetaman chi man tikirel ta nqab’än ronojel, janila k’o chi nib’än, po ja’ chuqa’ ja’ tikirel niqab’än k’ïy pa ruwi’ ri qa’iximulew.
Jun Samajel Amaq’ ri nrak’axaj chuqa’ retaman
Chupam ri ramaj toq xch’on, ri Chanpomanel xutikirsäj xuya’ matyoxinïk ruma ri nimaläj ütz petïk.
Matyox ruma xinik’ül chupam ri isetajulew, Matyox ruma ri nimaläj ütz petïk. Matyox ruma xib’än chi kan xinna’ chi yink’o pa wachoch.
Ri chanpomanel xunatäj ri jalajöj taq moloj b’anun k’in ri k’amöy taq b’ey richin re tinamït re’ chuqa’ ri compromiso kiyi’on chi kiwäch richin rub’anïk ri k’iyirisanem chuqa’ ri uchuq’ab’il kiya’on chuwächi ri eleq’oma’, ri kikanun k’ojlib’äl richin retzelaxïk ri nikina’ojij ri tinamït.
K’in ri xb’itäj kan, Arévalo xumatyoxïj chi ke’ ri xincas, ruma ri kuchuq’ab’il, ruma kimolon kitunun ki’ chuqa’ ri kirayb’enïk richin yesamaj pa ruwi’ ri ütz k’aslem kichin konojel, ke ri’ chuqa’, kan xub’ij kan chi ri chanpomal k’o chi nrak’axaj chuqa’ nretamaj ri taq k’ayewal ri e k’o, richin yetzijon chuqa’ yesamaj pa ruwi’ re re’.
Ke ri’ chuqa’, xub’ij chi toq natun awi’ kan naq’i’ ri jaloj, ruma ri’ ri k’iyirisanem jun samaj pa molaj.
K’iyirisanem akem richin raxanqil, tijonïk, to’onïk kichin ri samajela’, rub’anïk vías richin comunicación, ja re’ to’onïk richin ri k’aslem po re man xtuk’än ta pe ri chanpomal, re re’ xa junan xtiqab’än. Ri chanpomal k’in ri rupwaqil k’o, chuqa’ k’in rutonïk samaj ri tinamït xinca.
Chi rij ronojel ri tzijonem, ri moloj k’ulunïk kan xnoj chi kikotem, k’atän chuqa’ q’ojom, ri k’ojlib’äl kan xuwäq ri’ k’in ri ojer xajonem richin ri Torito chuqa’ ri xajonem richin ri Moros, ke ri’ chuqa’, ri tinamït xuya’ ri jalajöj retal wuj chuqa’ sipanïk chire chanpomal Arévalo.