Nk’yajchaq tnom te Paxil, winqen te tnejel xjaw te ab’q’i lu, (AGN).- Toj yol ku’b’ aq’pet kxol q’il tqanel kyoj q’ij te tnejel xjaw, aju’ nejenel te ka’yel ex klol q’inumal twitz qtxu tx’o’tx, Patricia Orantes, xi tna’n qa aju’ kawb’il tuk’e tajlal 164-2021, jatu’me ‘ tku’xe’ toj qa il ti’j tu’n tb’aj sk’et toj tz’us.
Te’ tajlal kawb’il lu kyelelqe taq’onanjs jun lajoj te’ xjaw lu, atzun q’ol jun techel se’nku’ jun tambaq te mujb’a’b’l tu’n tmiet aju’ nia’ b’an nkyaj tq’on jni’ tz’us kyoj kkyaqil tnom.
Kye xjal te tnom ti’ chi chojen jun tz’eisjb’il witzb’aj
Te’ tyolen, Orantes kyaj toj xtilen tu’n qa aju’ kawb’il tla’ tk’ux toj qa ok ktz’eisetel kwitz xjal qa tla’ xjaw ksk’on toj ktz’us.
Aju’ nejenel tma:
Te kawb’il lu kyeqe’ nchi b’inchen jatu’me’ ntzaj tz’us, toju’ lu ti’ te’kx kye xjal te tnom. Iktzun ttenju’, niate ximju’ tu’n kchojen xjal te tnom ju’n tz’eisjb’il witzb’aj naqx tu’n tla’ nb’aj ksk’on toj ktz’us.
Ti’jxe tzunju’ aju’ ok tyek’en qa aye’ xjal te tnom kyaj tu’n kyonen tu’n tklet twitz qtxu tx’o’tx. Naqtzun aju’ tma qa nia’ kkyaqilqe q’il kwitz tnom kanleqe’ ti’j tu’n kqanjsqe’ aq’olmil sk’ol toj tz’us.
Aju’ q’il twitz te’ tnej tk’am:
Ate’le junje kanleqe’ kynju’ kwitz, junjetl naqxix aku’, alkye te ax aye’xkye nimju’ tla’ kanle kwitz se’n tten tu’n txi b’inchet.
Tla’te a’mb’il, naqtzun aju’ tuk’e aq’olmil
Te Orantes tmaxix qa tla’tte a’mb’il tu’n tkyaj te juntl q’ij tu’n telqe b’incha’b’ete aju’ kawb’il, tu’n qama txi txqantl a’mb’il jaku’ tzajti’n txqantl il twitzxe’. Axju’ ikju’ qa tla’ tz’aqle te tkyaqilx, tma qa aju’ ka’yel twitz tx’o’tx ex q’inumal (MARN) oje txi tq’on aq’olmil tu’ntzun telqeju’ ttxolel aq’untj.
Kxoltzu’n lu, oje chiex zipet kyaje ye’kb’il twitz u’j ex toj k’u’b’l xim se’n tten tu’n txi b’inchet, kyeqe’ nchi b’inchen jatu’me’ ntzaje’ tz’us se’n tten tu’n knimen ti’j kawb’il.
Te kawb’il lu ntzaj tin txqan xjel, naqtzun aju’ ntzaj tq’on txqan a’mb’il. Tu’n tb’aj sk’yet toj tojxix tu’mel nia’ o’kx nkutz jetpuj chuksel twitz tx’o’tx, ex nxtokyen te k’axjel te tz’us, ntq’on ak’a’j a’mb’il te aq’untj kye xjal ex tu’n telb’an twitz qtxu tx’o’tx.
Todo sobre el Acuerdo 164-2021 ♻️
Únete a nuestro TikTok y Facebook Live✨📅 Fecha: 20 de enero (TikTok)
⏰ Hora: 7:00pm📅 Fecha: 23 de enero (Facebook)
⏰ Hora: 7pm¡TE ESPERAMOS! ✨ pic.twitter.com/wyPzQx99dh
— Ministerio Ambiente y Recursos Naturales (@marnguate) January 19, 2025
Se’ntzun tten tu’n tb’aj sk’et toj tz’us
Toj kawb’il at jun tu’mel nia’xix ch’ux se’n tten tu’n tb’aj sk’yet tz’us. Aj tzk’yet toj tz’us atte’ chixe’l kyoj ch’u’x ma juntl ch’ix tk’wel atzta’ se’n ex alkye ch’ix tz’us.
- Aju’ tz’usxix, kyoj ch’ux ma juntl tk’wel cha’x ka’nyen (tzol ma ti’j lo’b’j ex itzaj te lu naqx te jun techel
- Kxb’il ntz’iljne: kyoj ch’u’x ma juntl ch’ix tkwel xqi’yenin ka’yen
- Aye’ lu’chqe’ ma ch’ux tu’n kq’ayjs toj ch’u’x ma juntl ch’ix tkwel xqiyen ka’yen
- U’j ex ch’ux u’j: kyoj ch’u’x ma juntl ch’ix tkwel q’an ka’yen
- Qe’ txo’wj ch’uxqe’: kyoj ch’u’x ma juntl ch’ix tkwel xqanenin ka’yen
- Kxb’il: kyoj ch’u’x ma juntl ch’ix tkwel tza’j ma xpisen ka’yen
Tuk’e kawb’il lu, aju’ tnom jyon ti’j jun tu’mel tu’n tb’aj sk’yet tz’us ex tu’n tanq’in tjunalx, tu’ntzun teyelexte junje kjawel tziu’n aq’untj kuxixtej te toj tkyaqil ttxu’k qtanum te Paxil.
En español:
Ministra de Ambiente: “No se trata de estar multando a la población que no separe su basura”