Qtanum te Paxil 11 jun (AGN) – Qe’ xnaq’tzb’en te oxe’ tja xnaq’tzb’il ate’ kxol junjetl ja te xnaq’tzb’il toj kojb’il Naxombal, toj tnom te Senahú, Alta Verapaz, nchi tzalaj tu’n oje chiku’b’ b’inchelt ch’intl tja kxnaq’tzbil tu’n kxnaq’tzan toj jun tumel tb’anel ch’intl.
Tb’ajlenxe kyaje’ xjaw te’ txi b’nchetju’ aq’untj, toju’ kojb’il, aju’ xim tu’n kyelb’an tja xnaq’tzb’il ex tu’n txi b’incet aju’ ok txuq’en qa chi mi’tzjel junmajtl, aju’ nejenel Bernardo Arévalo ex ka’yel ti’j xnaq’tzb’il, Anabella Giracca, xitzun kq’on aju’ tja xnaq’tzb’il kye tnej kye mamaj (PPF), nejenel kye tja xnaq’tzb’il ex xnaq’tzb’en.
Kxolqetzunju’ tja xnaq’tzb’il ate’ atzu’ atztaju’ tja xnaq’tzb’il te tnom te ka’b’e’ yol kye mu’x k’wal (COPB), toju’ ja aju’ ate’ oxk’al k’y’ jwe’ xnaq’tab’en; juntl ja te xnaq’tzb’il te tnom kye q’a ex txin (EORM), kyuk’e’ ka’b’e’ jok’al k’y’ winqen beljoj xnaq’tzb’en, extzu’n tja xnaq’tzb’il te tkab’ tnej (INEB) kyuk’e jun mu’tx k’y’ lajoj xnaq’tzb’en.
Aju’ nejenel te Qtanum xi tchik’b’a’n qa ate’ winqen k’y’ o’lajoj xton k’y’ jun mu’tx k’y’ winqen k’y’ ka’b’e tja xnaq’tzb’il te tnom te’kx toj tnej te xnaq’tzb’il ex tma qa ma ku’b’ ximet tu’n kbat b’inchet ch’itl lajoj ston tiwtzele junje ab’q’i tu’n kb’aj b’inchet kkyaqilx akxtaq tok te nejenel, tu’n kkyajqw’ tja xnaq’tzb’il te b’an kye xnaq’tzb’en ex kye xnaq’tzal.
Aju’ tpuaqel
Ky’ju’ oxe’ tja xanq’tzb’il te ka’yel te tja xnaq’tzb’il ma b’aj ka’b’e’ ston k’y’ winqen k’y’ jwe’ tpuaqel (oxk’al k’y’ o’lajoj ti’jele junje), tu’n tch’ixpet twi’ exqe’ tqul, b’inchb’en jun jatu’me’ kwel b’inchet wa’b’j kyuk’ex ji’ nchi ajb’en tuje, tu’n tch’ixpet kxopejil ex kjpet, tu’n tb’aj b’ilet ti’j txq’e’l, aq’omil tu’n mi tz’ujen, tz’a’lb’il ex tilb’ilal te tkyaqil.
Ex ikxju’, aye’ nejenel te tja xnaq’tzb’il kub’ kchi’b’a’an qa kyaje’ xton k’y’ jun jok’al k’y’ jun kja xnaq’tzb’il xi b’nchet toj tnejel tnej te aq’untj ex ximen tu’n kb’aj b’inchet ch’intl wuqaq ston toju’ ab’q’i lu, ky’ju’ jni’ aju’ kb’ajel wuq k’y’ nikjan jok’al ston puaq.
El presidente de la República, @BArevalodeLeon y la ministra de Educación, @chatagira, verificaron el trabajo de remozamiento de la Escuela Oficial Rural Mixta Aldea Naxombal, Tamahú, Alta Verapaz, que atiende a 394 estudiantes de los niveles de Preprimaria, Primaria y Básico.… pic.twitter.com/RSq0bP0Oa8
— Mineduc Guatemala (@MineducGT) June 11, 2024
Nim txqan puaqel twitzju’ ab’q’i kyajne
Se’nku’ta’ txolel aq’pu’b’en puaq (SDR), te ka’yel ti’j kja xnaq’tzb’il, oje’ chibaj b’inchet ch’intl b’eljoj ston k’y’ oxe’ jok’al k’y’ wajxaq kja xnaq’tzb’il toj tkyaqil tnom ky’jtzu’n jni’ kja xnaq’tzb’il b’aj wuqaq k’y’ kawnaq k’y’ wuqaq millón tuk’e wajxaq k’y’ oxk’al k’y’ kab’lajoj ston tuk’e wuqaq jok’altuk’e’ jun lajoj k’y’ oxlajoj tpuaqel kyoj ab’q’i winqen winqen maxtzu’ winqen k’y’ oxe’.
Toj ab’q’i winqen winqen b’aj b’inchet ch’itl jun ston k’y’ kyaje’ jok’al tuk’e kawnaq wuqaq lajoj kja xnaq’tzb’il, tuk’e jun tajlaj puaq te jun mu’tx’ k’y’ b’eljoj lajoj millones tuk’e oxk’al wajxaq lajoj ston tuk’e ka’b’e’ jokal k’y’ wuqaq tuk’e winqen k’y’ ka’b’e’. Ab’q’i winqen ky’ jun, b’aj b’inchet ch’intl jwe’ jok’al k’y’ kawnaq kyajlajoj kja xnaq’tzb’il tuk’e jun tajlal puaq te kawnaq millón oxk’al beljoj lajoj tuk’e oxk’al o’lajoj quetzal tuk’e jun mu’tx k’y’ ka’b’e’; toj ab’q’i winqen k’y’ ka’b’e ibajx b’inchetl ch’intl ka’b’e’ ston k’y’ b’eljoj jok’al tuk’e jun mu’tx’ k’y’ ka’b’e’ kja xnaq’tzb’il tuk’e jun tajlal puaq te ka’b’e’ k’y’ jwe’ millón tuk’e’ jun jok’al kawnaq kyajlaj ston tuk’e jwe’ jok’al kawnaq b’eljoj quetzal tuk’e oxk’al k’y’ jwe’, toj ab’q’i winqen k’y’ oxe’, baj b’inchetl kyaje’ ston oxe’ jok’al wuqaq lajoj kja xnaq’tzb’il tuk’e jun tajlal puaq te oxe’ k’y’ jun millón jun mu’tx oxk’al ston tuk’e jun jok’al k’y’ kawnaq b’eljoj tuk’e kawnaq k’y’ kyaje’ quetzal, tkyaqilx njapon jun tajlal te b’eljoj ston k’y’ oxe’ jok’al k’y’ wajxaq kja xnaq’tzb’il b’inchanqe’ ch’intl tuk’e jun puaqel te wuqaq k’y’ kawnaq k’y’ wuqaq millón tuk’e ju mu’tx k’y’ oxk’al k’y’ ka’b’e’ ston tuk’e wuqaq jok’al tuk’e jun lajoj k’y’ oxlajoj quetzal toj kyaje’ abq’i kyajne.
Akxtaq tu’nju’ ka’yel ti’j kja xnaq’tzb’il te tkyaqil, q’il twitz Giracca, matxe’ chib’aj b’inchetl ch’intl kyaje’ ston tja xnaq’tzb’il kyoj xjaw enero-abril, tuk’e jun tajlal puaq te oxe’ jok’al millón.
Ti’jxetzunju’ aju’, chiexel b’inchet toj tkab’ tnej te txjawel mayo maxe’ aj tel ab’q’i wuqaq ston kja xnaq’tzb’il, atzun puaq kb’ajel ky’j aju kyaje’ jok’al k’y’ nikjan illon.
Wuq jok’al k’y’ nikjan millón puaq naqx o’kx toj jun ab’q’i
Giracca tma qa ate ximju’ te ab’q’i lu tu’n kb’aj b’inchet ch’intl ajoj ston kja xnaq’tzb’il, tuk’e’ jun tajlal puaq te wuq jok’al k’y’ nikjan millón.
En español:
Mineduc avanza en remozamiento de escuelas y ya supera el número de escuelas atendidas de 2023