Qtanu te Paxil, 27 te txjawel mayo (AGN).- Toju’ yol ex kyojqe’ jni’ q’il tqanel toj lunes tu’n nejenel kye jni’ xq’uqel, Francisco Jiménez, toj nin ja te tnom, tma qa naqx tzaqpinqe’ ja te tz’eisb’il witzb’aj (SP).
Jiménez ti’xix yole nim te’ tku’b’ tchik’b’an qa tla’ nxiju’ puaq tu’n telb’an ja, ak’a’j aq’olmil ex kyoklenqe’ xq’uqel ja te tz’eisjb’il witzb’aj kyaj kq’onqe’ nejenel oje chiel.
Ibaj knet ja te Tzeisjb’il witzb’aj tla’x ka’nyenqe’ tojxix tu’mel kyu’nqe’ elne nejenel tma ka’yelqe’ ji’ xq’uqel.
Tijxetzunju’ aju’, tmaxix nia’tzun o’kx tla ibajx ka’yetju’ ja te tzeisjel witzb’aj, ex tla’qeju’ ak’a’ aq’oomil kyoj ex tu’mel se’nta kchwinqlalqe’ xjal aye’ xq’uqelqe’ ja te tzeisjel witzbaj. Aju’ il lu nnonen tu’n tb’aj chukse jni’xju’ kilb’ilal ja, nb’ichen to’q’ex kyeju’ xjal ate’ tuje toj tzeisjb’il witzb’aj ex kyeju’ xjal xq’uqel ate’ pe’n.
Jun kxol tnejel aq’untj tu’n nejenel te qtanum te Paxil
Tu’tzun taq’le ljo’b’lte aju’ aq’untj yek’en tu’n nejenel Bernardo Arévalo, aju’ xim ti SP matx tz’okx kxolqe’ tnejel aq’untj tu’n kxi b’inchet toj tkyaqil qtanum te Paxil. Arévalo xi tq’on kawb’il te nejenel kye xq’uqel (Mingob) tu’n txi tb’inchan toj ch’intqan aye’ aq’untj chi onel tu’n telb’an se’n tu’el ta’ chwinqlal ja’ kyojqe’ jni’ ja te tz’isjb’il witzb’aj.
Kxolqetzu’n aq’untj nchi ojqelen tu’n kxi b’inchet, Jiménez tma qa aju’ tnejel kxel b’inchet aju’ xpi’chb’il achq’al ex tojxix tu’mel kyojqe’ jni ja’ jatu’me’ teye xjal toj tz’isjb’il witzb’aj tu’n txq’uqenjs ex tu’n tkutz jetpuj kyokxel iyla’ ti’xti’ tla’ kyoklen tu’n kyokx. Ti’jxeju’ aju’ Mingob toj nk’ul ti’j jun aq’utj tu’n kyokx ak’aj ex tb’anel aq’olmil koj jni’ ja, atzun k’yonel tu’n t-ten jun tb’anel kolb’il jni’ ja te tz’isjb’il witzb’aj.
Juntl aq’untj q’umlejs tu’n txi b’inchet aye’ oxe’ ak’aj ja te tz’eisb’il witzb’aj. Chitzun Jiménz, qa aye’ techlal ja otaq chi b’ant nomxtaq tziet tb’inchanjs aju’ t.tzu tz’eisb’il witzb’aj, aju’ lu ximjs qa otaq b’ant toj txjawel octubre te juntl ab’q’i. Aye’qe’ ak’aj jalu atz chi kwel b’inchete’ toj tnom te Masagua, Escuintla. Tu’n kjawqe’ iyla’ ja te tz’isb’il witzb’aj ok chi aq’onal oxe’ ston k’y’ wajxaq xjal, qe’ ja lu chionel tu’n t-ten aq’pu’b’l kxolqe’ te’kx toj tz’isb’il witzb’aj ja’le jun nin ilqe’ kye jni’ xjal toj tkyaqil qtnum te Paxil.
Kyeqw’ ka’b’tl ja te tz’eisb’il witzb’aj nomx tknet jaxix tu’me’ chi jawele’. Naqtzun aju’ nximajs qa otaq chi b’ant aj tel nejenel tok ja’, Exqetzunju’ lu, tla’x jun ajb’eb’l kyoj kyeqe’ xjal te’kx toj tz’eisb’il witzb’aj ate’ tuje.
Txokb’il kye ka’yil ti’j kawb’il
Aju’ ka’yel ky’j k-kyaqil xq’uqel Jiménes txokyen ky’qe’ jni’ ka’yel ti’j kawb’il tu’ntzun k-kmonte ex tu’n tokx kq’on toj tnejl toj t-txolel ti’j kyaq’en aye’ ja te tz’eisb’il witzb’aj ex tu’n kyonen tu’n tjet puaq kye ja aju’ tu’ntzun tmiet ex tu’n kyelb’an se’nku’ teye’ ja’.
Ti’jtzun aju’ tma nejenel kye k-kyqil xq’uqel:
Iltzun ti’j tu’n qkane ti’j qa nojqelen te’lu tu’ntzun t-ten jun kolb’il te kchwinqlal xjal toj tkyaqil qtanum de Paxil.
Tu’ntzun kxi b’inchetju’ b’an, ilxixtzun ti’j tu’n tb’aj ka’yet ti’ju’ puaq q’onx te ajb’e’b’l kye ja te tz’eisb’il witzb’aj. Atzu’n puaq tu’n t-tzqet kyonel tu’n kb’a jawqe’ ja, tu’n ktzaj lq’et ak’aj aq’olmil ex tu’n telb’an kchwinqlalqe’ aq’onal ate’ atzu’.
Aju’ il nojqelen toj SP nia’ o’kx kyekye nchi ka’yen ti’j; at toklen ti’jxixju’ kolb’il te tkyaqil chwinalal kyoj tkyaqil tnom. Qeju’ ja te tz’eisb’il witzb’aj nia’ b’ante’ ex tla’ puaq aju’ lu nnonen tu’n tb’aj iyle’q’en ex b’iyb’en toj ex ti’jxe’ aju’ ch’laj tok ky’j. At jun tnej te’kx toj tz’eisb’il witzb’aj ate’ tbanel aq’olmil toj kq’o’b’ ex kb’eyel yolb’il najb’en kye alq’al kpuaq xjal maxtzu’ tuje, atzun nb’inchen tu’n ktzajqe’ il ky’j kyaqil xjal.
#EnDirecto | El ministro de Gobernación Francisco Jiménez brinda conferencia de prensa.. https://t.co/YGrF8nmJgV
— Gobierno Guatemala (@GuatemalaGob) May 27, 2024
Tu’n tb’aj ch’ixpu’b’l toj SP iltzun ti’j tu’n txi b’inchet jun aq’untj kmon nejenel te qtanum te Paxil, ka’yel ti’j kawb’il exqe’ tnej kye xjal te tnom. Aye’ aq’untj ximen tu’n Jiménez tu’n kxi b’inchet jun tu’mel te b’an, naqtzun aju’ tu’n b’an atzta’ ti’j xtokb’il kyu’nqe te’kx toj. Te tnejel aq’untj toj xtilenta’: tu’n kyaj tojxix tu’mel aye’ tz’eisb’il witzb’aj nia’ o’kx tu’n kyajb’en tu’n t-tz’eiset kwitz xjal, tu’tzun tajb’en tu’n telb’an kchwinqlal te’kx toj ex kyonel tu’n kten jni’ xjal toj jun chwinqlal tojxix tb’anil.
Ex jch’inkse:
Gobierno prioriza mejoras urgentes en el Sistema Penitenciario