Qtanum te Paxil, kyajlajoj te’ xjaw lu (AGN).- Aye’ ka’yel ti’j kawb’il te qtanum k-k’am ew te’ tjaw klaq’b’an tajlal puaq tib’ajxe’ at tu’n tajb’en te aq’untj kxel b’inchet. A puaq aju’ a ximju’ tuk’e tu’n txtokyenjs junje tq’ob’ aq’untj nimxix ch’intl kyajb’en tu’n telb’an kchwinqlal xjal toj tkyaqil qtanum, tu’n txi’ tzaq’we’b’l kye’ il nchi ojqelen toj tkyaqil qtanum.
Kq’o’b’ aq’untj sk’onqe ex nk’u’n ky’j
Aju’ tzaqtzb’il tajlal puaq a ximju’ tu’n tpon kye tnej atxix il ky’j. Kxolqe’tzu’n tnej nim ch’intl puaq kxe’lkye atzta’ aju’ Ka’yel tkyaqil chwinqlal (MSPAS) ex ka’yel ti’j tkyaqil xnaq’tzb’il (Mineduc), tuk’etzun lu nxi kyoklenqe’ ka’b’e’ tnej tu’ntzun kyonen tu’n telb’an kchwinqlal xjal toj tkyaqil tnom. Iktzun tu’mrl se’n xi sipet puaq kylu:
- Ka’yel tkyaqil chwinqlal Junston jun jok’al qpuaq
- Ka’yel tkyaqil xnaq’tzb’il Jun ston oxe’ jok’al
- Ka’yel ti’j tkyaqil b’e’ B’eljoj k’y’ oxk’al lajoj ka’b’e’ ston
- Kye tnej aj yolel kyuk’e tnom ti’jxe’ qtanum Jun ston winqen lajoj k’y’ wuqlajoj
- Ka’yel aq’untj te b’an te chwinqlal Jun ston k’y’ ni’kjan
- Ka’yel ti’j aq’untj kyoj k’o’k’e tnom Jun ston jwe’ jok’al
- Kyeqe’ mu’x tnom Jun ston wuqaq jok’al
Te Nejenel xix tma’ te’ tnejel qa aju’ tzaqtzb’il puaq xjaw laq’b’et atz kyajb’ele tu’n taq’le tza’qwe’b’l kye nin il at kyoj tnom. Tu’npentzunju’ aju’ aye’kye nim puaq xi’ kye aye’ ka’yel tkyaqil chwinqlal MSPAS ex ka’yel tkyaqil xnaq’tzb’il Mineduc tu’ntzun aye’xix nim kyoklen tu’n telb’an kchwinqlal xjal toj k-yaqil tnom.
Aju’ puaq te Ka’yel tkyaqil chwinqlal tuk’e’ Jun ston jun jok’al, atz kyajb’e’le’ tu’n kyel b’an jni’qexju’ kja ya’b’, tu’n ktzaj lq’et tb’anel aq’olmil, q’anmil ex xtokyel tu’n tmiet ya’b’il ky’j xjal. Aju’ aq’untj lu atzun twitzju’ k’iwletz aju’ kjawel lq’e kyajlal xjal otaq tz’elb’an kchwinqlal, jatu’me’ toj jun tnom aju’ ajb’e’b’l te jun tb’anel chwinqlal jun aq’untj atx tu’n tok tiltl tu’n tk’anmet.
Toj jun platl, aju’ Ka’yel tkyaqil xnaq’tzb’il kxel q’onte Jun ston oxe’ jok’al. Aju’ tajlal puaq lu atz kyajb’e’le’ tu’n kyel b’an jni’qexju’ kja xnaq’tzb’i, tu’n taq’le txqantl xnaq’tzb’il kye xnaq’tzal tu’n tpon xnaq’tzb’il kye k’wal kyoj tkyaqil kojb’il.
Aju’ puaq kxel q’on kyonel tu’n tjaw kyajlal k’wal chi xnaq’tzal ex kjawel lq’e jun koltl tu’mel xnaq’tzb’il kyoj k-kyaqil tnom, tu’n a tanmiju’ te jun b’an toj qtanum te Paxil twitzxe’.
Xtokb’il tu’mel tu’n t-ten numly kyoj tnom
Aju’ tnej ka’yel k-kyaqil xq’uqel ex kjawel laq’b’et aju’ puaq q’onxte tuk’e’ jun tajlal te oxe’ jok’al oxk’al lajoj millón tu’n tajb’en te kolb’il kchwinqlal xjal. K’yajb’el tu’n telb’an kyaq’en xjal xq’uqel tu’n tmiet txqan b’i’yen at ex tu’n taq’le kolb’il te kchwinqlal xjal toj k-kyaqil tnom te Qtanun te Paxil.
Nia’tzun o’kxju’ aju, aju’ Tnej Ka’yel ti’j b’e ax juntlju’ kxel q’onte b’eljoj oxk’al lajoj k’y’ ka’b’e’ millón. Te’ puaq lu atz ky’ab’e’le tu’n kyelb’anxixju’ jni’qe’ b’e, tu’ntzun il ti’j tu’n kmujeqe’ jni’ tnom tu’n kb’et jni’qexju’ kxb’il tuk’e’ jni’ k’axjel ex a juntl tanumju’ tu’n t-ten kpuaq xjal.
B’an chwinqlal kye xjal exqe’ kja mu’x tnom
Tnej ka’yel telb’an k-kwinqlal xjal, ma txi q’onte jun ston k’y’ ni’kjan puaq kye, atz kyajb’e’le’ kye tnom ex kojb’il atxix txqan il k’y’j. Kyajb’el te xtokyel qe’ tnej nchi jyo’n junje ak’a’j tu’mel se’nten tu’n tkutz jetpuj jni’ il ex tu’n telb’anxix kchwinqlal xjal toj k-kojb’il aye’ tla’ nchiex na’n.
Qeju’ ka’yel k’o’k’e tnom exqe’ mu’x tnom ex ikxju’ at puaq kxe’l kye ex nim. Qe’ te k’o’k’e tnom kxe’l kye jun ston k’y’ jwe’ jok’al, tu’n tajb’en b’inchalqe’ aq’untj tu’n telb’an ch’intl tchwinqlal tnom. Aye’tzu’n q’il twitz kja mu’x tnom ok kxel q’on kye jun ston k’y’ wuqaq jok’al, kyajb’el tu’n kxi b’inchet aq’untj kyoj nk’yajchq tnon ex kyojele jni’ kojb’il, ex tu’n t-tzaj lq’et junjetl ti’xti’ atxix tajb’en kye xjal k-kyaqil.
Tqaltzun twitzju’ puaq xjaw laq’b’et nayonjs
Aju’ puaq xjaw laq’b’et a jun tu’melju’ se’nt-ten tu’n tmiet txqan il at toj qtanum te Paxil. Te’ xi jaw sk’et ex xib’aj nk’et se’nku’ chwinqlal, xnaq’tzb’il, kolb’il kchwinqlal xjal ex tu’n kyel b’a’n jni’qexju’ b’e’, Aju’ Nejenel atzun taj-ju’ nia’ o’kx tu’n kyel b’an jnixju’ il ex tu’n tkyaj jun tq’uqb’il tu’n kukx tu’n txi b’inchet te iyla’ ab’q’i.
Te MSPAS ex Mineduc, at jun kyaq’en nimxix toklen toj nk’u’b’l ti’j. Tu’n tel b’an aju’ ajb’e’l te tkyaqil chwinqlal ex tu’n txi nimset ajb’e’b’l te xnaq’tzb’i puaqte’ kxel ti’n, tu’ntzun nia’xix o’kx tu’n tel b’an chwiqlal, ex tu’n t-ten kya’q’en xjal ex kpuaq.
Jun kxol qamaj twitz
Aju’ tajlal puaq jaw klaq’b’an ka’yel ti’j kawb’il atzun jun tb’anel techel ti’ju’ qa aju’ Nejenel a taj-ju’ tu’n taq’le tzaq’we’b’l kye jni’ il ate’ toj tkyaqil tnom. Jun tajlal puaq nim teyele junje tnej nimxix kyoklen, tzuntzun nayonjs jun tb’anel twitz toj kchwinqlal k-kyaqilx xjal te qtanum, ti’jxixju’ se’nku’ te chwinqlal ex xnaq’tzb’il.
En español:
Inversión en salud y educación, prioridad para el Gobierno con el reajuste presupuestario