Armita, 24 richin ri ik’ junio. (AGN).- Ri champomanel Bernardo Arévalo xub’än jun moloj ri q’ij wakami kik’in ri delegados richin ri misión richin ri Organización chin ri Estados Americanos (OEA) ri nilitäj wawe’ Iximulew richin rutz’etïk rub’eyal ri cha’onïk richin ri magistrados chin ri Nimaq’atöy tzij chuqa’ ri q’atöy q’atb’äl tzij.
Chupam re moloj re’, ri delegación richin ri OEA xuq’alajirisaj chuwäch ri champomanel chi nuya’ rutikirb’äl ri rusamaj chupam ri amaq’.
Chupam ri misión e k’o ri Rosa Celorio, Rodolfo Piza chuqa’ Luiz Marrey, rije’ xeb’an delegar ruma ri ajatz’ib’ richin ri OEA, Luis Almagro, richin nkib’än cumplir k’in re samaj re’ k’in jun chi ke’ ri Saqamaq’ miembro richin ri molaj. Ri OEA xuq’alajirisaj chi ri’ misión, chupam ri q’ijul xtikoje’ pa amaq’, xtub’än jalajöj taq moloj kik’in ri k’amöl taq b’ey richin ri amaq’ chuqa’ juley chik molaj ri yalan kik’atzill. Richin re re’, ri misión xujäq jun q’asb’äl tzijob’äl kik’in ri molojri’ïl privadas, molaj richin ri sociedad civil chuqa’ ri ciudadanía.
Delegados richin OEA xek’ül ruma ri Champomanel
Re representación re’ xoqa’ pa amaq’, ruma xerupeyoj ri champomanel, ri xub’ij k’ïy b’ey chi re’ b’eyalil richin cha’onïk chin ri Molaj Q’atonel taq tzij nïm rik’atzil richin ronojel ri amaq’, ruma chuqa’ jun peraj richin ri tijomal chi rij ri eleq’anïk. Chuqa’ kan xunataj kan chi re re’ man ruma ta injerencia, xa ruma ri rusamaj man nuya’ ta q’ij nub’än ri observación chin b’eyalil richin ta kan nitz’ët chi kan pasaqil ta nib’än, achi’el nib’anatäj pa taq elecciones generales.
Ri champomanel Arévalo, toq ri OEA xuya’ ütz k’ulub’elil chi re’ ri ruk’ututzil, xuk’üt kikotemal k’in ri acompañamiento ri xtiya’ox pa Iximulew. K’in rupresencia ri misión, xtitikir ri observación chuqa’ chiqawäch apo’ xtiya’ox jun rutzijol ij samaj pa ruwi’ ri beyalil chapon, ri taq resultados chuqa’ wi’ xe’ilitäj man ütz ta taq b’anb’al.
Ri champomanel chuqa’ xekoje’ rik’in jalajöj taq k’amöl b’ey richin Ejecutivos, achi’el ri canciller Carlos Ramiro Martínez, ri ajtz’ib’ richin ri champomal, Juan Gerardo Guerrero, chuqa’ ri comisionado ri pa’el chi rij ri eleq’anïk, Santiago Palomo.
Pa ruwi’ ri beyalil
Pa ri q’ij wiq’ij xib’än ri cha’onïk richin ri representantes chin Colegios richin Aborados chuqa’ Notarios richin ri Iximulew (CANG) ri xtikib’än integrar ri moloj richin postulación ri xtunik’oj kib’ankil ri winaqi’ ri xkiya’ apo kiwuj richin ri cargos pa taq cortes. El CANG yerukanoj kab’lajuj samajela’ chin ri comisión richin postulación richin ri CSJ chuqa’ ke ri’ richin ri postuladora ri xtunikoj kib’ankil ri nkajowaj samaj richin magistrados chin q’atöy q’atb’äl tzij.
Chupam ri Congreso richin República, ri rectores xekicha’ ri q’ij 6 richin ri ik’ junio achike je’ xke’ok kamöy taq b’ey richin ri postuladoras, Chupam ri concurso xecha’ox kan ri Miguel Cortés, rector richin ri nimatijob’äl Rafael Landívar, ri xok kan k’amöl b’ey richin ri comisión chin postulación richin ri CSJ chuqa’ Raúl Arévalo, rector richin ri Nimatijob’äl Internaciones, richin nub’än presidir ri comisión chin postulación richin magistrados chin q’atöy q’atb’äl tzij.
Pa jujun comisión xtikoje’ jun kitz’uyub’äl, e kab’lajuj magistrados. Chin ri postuladora richin CSJ, xtikoje’ k’ojlib’äl kichin kab’lajuj magistrados richin q’atöy q’atb’äl tzij, po chupam ri postuladora richin q’atöy q’atb’äl tzij xkek’oje’ kab’lajuj magistrados richin ri CSJ.
Chuqa’ xkek’oje’ chupam ri mesa ri decanos chin ri facultades chin ch’ojib’äl richin ri nimatijob’äl richin ri amaq’, ri e kab’lajuj wakami. Re cifra re’ nib’ïn jampe kojlib’äl e k’o richin CANG chuqa’ ri magistrados chupam ri jujun postuladora, ruma nub’ij chupam ri Cholk’aslemal, chi kan k’o chi janam achi’el rajlab’al ri decanos.
Nub’ij ri Congreso, chi antes chi re’ ri 13 richin ri ik’ octubre k’o chi yecha’ox, chupam ri listados etaqon kuma’ ri postuladoras, chi ke’ ri magistrados ri xtikib’än ocupar ri cargos richin ri wo’o’ juna’ petenäq (2024-2029).
En español:
Presidente Arévalo se reúne con misión de observación de OEA para elección de cortes