Nkyajchaq tnom te Paxil, wuq te’ xjaw lu (AGN).- Qe’ nejenel te ka’yel chwinqlal ex xtokyel (MSPAS) ku’b’ kk’ywla’n te q’ij lunes wuq te txjawel tzaqpi’b’l jun ja te ajb’e’bl kye tij nwnaq, tuk’etzun xim tu’n taq’le ajb’e’b’l te tkyaqil chwinqlal kye tij nwaq nchipon toj nin ja kye ya’b’ San Juan de Dios.
Te’ tb’aj k’ywla’b’l kye ja te ajb’e’b’l kye tij wnaq ib’ajten aju’ tka’b’ nejenel te Paxil Karin Herrera, ka’yel ti’j chwinqlal te tkyaqil tnom, Joaquìn Barnoya, nejenel te nin ja kye ya’b’ San Juan de Dios ex q’anel, Erick Canàs, ptxol ex ka’yel ti’j aq’untj xi b’inchet.
Nejenel te kja ya’b’, Ericka Pèrez, tk’am qa toj nin ja kye ya’b’ San Juan de Dios at b’ampe’ ch’ix il qkyaqilx b’intl qu’n tqal tun, naqtzun nku’b’ qaq’pu’ne’ qa aye’ wtz’i’k jaku’ chi ok te ax tu’n kyelb’an twitzele junje q’ij.
Te aq’onal te chwinqlal tma:
Atzun jun tnejel witz’i’k’ ma tzok te ax teju’ ab’q’i lu, jatu’me aye’ jni’ aq’onal ma chi onen tu’j tkyaj kletju’ ja tu’n kyajb’en te kja q’anmil ex ajb’e’b’l kye tij nwnaq.
Ex ikxju’, aju’ nejenel Pèrez ajb’en a’mb’il te tu’n tex tm’an qa aju’ nin kja ya’b’ onen tu’ntzun kb’aj b’inchet ch’intlqe’ ja chi ajb’el tojxix jun tb’anel tu’mel kye tij nwnaq.
Xtokb’il kxol tnej
Ex xi tq’on chjonte te chmol puaq te tno (SAT) ex te tnej te ka’yel ti’j puaq i’kx tq’onqe’ aq’olmil, quqb’il ex juntl ti’xti’ ch’ux tu’n kknet.
Ti’jxe’ jni’ aju’, xi q’on kye junje k’ub’l xim ate’x junjetl ib’aj tzaj lq’et. Te kja ya’b’ o’kx kawnaq lajoj ston puaq ajb’ente te loq’b’enb’en kuxb’il ex junjtl aq’olmil, tma Pèrez.
Ex ok ttzaqtza’n:
Kanle qwitz qa toj tkyaqil qtanum naqakx ti’j wajxaq lajoj millones qe’ xjal nchi anq’in ti’jtzu’n tajlal lu lajoj ti’j jun jok’al tij nwnaq nchi ayon twitzele junje q’ij jun tb’anel ajb’e’b’l se’nku’xix te chwinqlal. Kye aq’onal a kyaq’en tu’n txi kb’inchan jun tb’anel aq’untj te jun b’an techel tu’n tel b’anxix ajb’e’b’l kye yab’ tij nwnaqqe’.
Ka’b’e’ maj iqtz aju’ ya’b’il
Atzunte nejenel te ka’yel chwinqlal te tkyaqil tnom, Joaquin Barnoya, ex tchi’kb’an qa bisjeb’ilju’ toj qtnaum te Paxil iqen kamajju’ ya’b’il, tu’n ate’ ya’b’il txub’aj ex k’wal xineqe’ toj il kyu’n ya’b’il.
Ti’jxe’ aju’, kub’ tma’n qa at junje ti’xti’ matx kanmet toj tkyaqil chwinqlal twiz tkyaqil twitz tx’o’tx ex njaw lq’e ayo’b’l jun b’an te chwinqlal, jatu’me’ aju’ qtanum te Paxil ikju’ telb’an, naqtzun aju’ jun ti’xti’te’ aju’ ayo’b’l te b’an chwinqlal juntl ti’xte’ njaw lq’e aju’ tb’anelxix chwinqlal.
🔴 | Inauguración de la clínica de atención al Adulto Mayor en el Hospital General San Juan de Dios. https://t.co/eC0lyzbv85
— Gobierno Guatemala (@GuatemalaGob) October 7, 2024
I’k’ kna’l ojtxi’x
Ex tzaj tna’n nejenel ka’yel chwinqlal te tkyaqil tnom tib’aj qa ma b’ant iyla’ ab’q’i ibaj i’k’ tna’l chwinqlal, ex se’nku’ ajb’e’b’l kye tij nwnaq.
Kyojqe’ tnom nim kpuaq, jun mu’tx’ ky’ lajoj ti’j jun jok’al najb’en kye te ka’b’e’ mankb’il ab’q’i te ka’yel kkchwinqlal xjal iltzun ti’j tu’n aju’ qtanum te Paxil tu’n t.tzaj tkmo’nju’ ximlu ex tu’n telqe tb’inchanjs tu’n.
Aju’ ja te q’anmil lu jun xim etz tb’ajlenxe’ ptx’o’b’l ti’j xi b’inchet toj ab’q’i winqen winqen ky’ oxe’, kyuk’e ya’b’ ate’ toj kyab’q’i te oxk’al atzu’n twitz ptxo’b’l ti’j apetzu’n ak’aj tja q’anmil lu, aye’tzu’n aq’onal toj nin ja kye ya’b’ tzaj kq’on tzaq’we’b’l, iktzun ttenju’ tok tb’i te chwinqlal twitz tnom tuk’e’ tquqb’il.
Te’ ja lu te b’ampe’ tajb’en se’nku’ ka’yel ti’j chwinqlal tu’n jun q’anel, naqtzun aju’ tu’n mi tz’ikye tna’l ajb’e’b’l te txq’oqtxe’n twi’ xjal ex ajb’e’b’l kye tij nwnaq, aye’ toj b’ampe’ ab’q’i oje tz’ik’ kna’l kyoj tkyaqil tnom.
Te’ xjaw enero maxtzu’ abril, se’n netz kyoj tajlal kyu’n q’anel te nin ja kye ya’b San Juan de Dios, matx chi ok ka’yet lajoj ston ky’ b’eljoj jok’al ky’ oxk’al b’eljoj lajoj qe’ tij nwnaq.
En español:
Inauguran Clínica del Adulto Mayor en el hospital San Juan de Dios