Nk’yajchaq tnom te Paxil, wqlajoj te’ xjaw te tzaqpi’b’l (AGN).- Aju’ nejenel Bernardo Arévalo toj tb’i ka’yel aq’untj ti’j b’e ex ja (CIV) ib’aj tzaj lq’on winqen o’lajoj ja bincha’nqetl tu’n taq’le ljo’b’l te ajb’e’b’l te xnaq’tzb’il ex te chwinqlal kyoj iyla’ nimaq tnom jatu’me’ at il b’aj tu’n jb’al kyoj xjaw te junio ex julio toj ab’q’i lu.
Tojtzu’n tu’mel chwinqlal kyaj tq’on jni’ jb’al i’k’ kyoj xjaw te junio ex julio te ab’q’i lu aju’ CIV ib’aj tzaj tlq’onqe’ ja lu.
Teyele junje ja a e’chb’ilkyeju’ te jun jok’al k’y’ winqen lajoj te tnuqb’il ex toj, b’inchanqe’ tuk’e kxb’il tok kk’wa’ ti’j ex aq’pu’nqe’ te jun ech k’y’ winqen k’y’ ka’b’e’, teyele junje pix nchi b’aj kyaj tojxix ttxolil.
Qe’ nimaq tnom xi q’on ja kye
Iktzu’n, aju’ CIV ma chiex tq’onqe’ ak’aj ja lu kyeqe’ nimaq tnom at il b’aj kyoj tu’n jb’alel tu’ntzun kyajb’en te ja te xnaq’tzb’il ex te ka’yel chwinqlal kyojqe’ tnom lu: Chno’mjul, Quiché, Baja Verapaz, Alta Verapaz, Jalapa, Txe Chman, Izabal y Retalhuleu.
Chitzun CIV, qa toj u’j te lo’q’b’enqe’ ja maxe’ chixel chjet maxe’ aj kpon q’ab’aj, b’inchanqtl ex naqx tu’n kyajb’enaj kye xnaq’tzb’en, ma tu’n tajb’en kye aq’onal toj ja ka’yel chwinqlal, atzta’ alkye il nojqelen tu’ntzun taq’le tz’aq’we’l toj ch’intqan.
Atzu’n tajlal xjaw tu’n telqe aq’untj aju’ jun lajoj txjawel julio tu’ntzun tponb’aj toj jun jok’al k’y’ jun mu’tx q’ij te aq’untj, atzu’n a’mb’il tu’n kpon q’ab’aj binchanqetl ex tu’n kku’b taque junje ja te lajoj q’ij, tbajlenxe aj kpon q’a’b’aj.
🔴 | Entrega de módulos prefabricados para continuidad en los servicios de educación, San Pedro Carchá, Alta Verapaz. https://t.co/thpUJBusE7
— Gobierno Guatemala (@GuatemalaGob) September 17, 2024
Tu’mel se’n ibajxe’ sipet
Ti’jxetzunju’ aju’, aju’ b’incha’b’e’ aq’untj toj lajoj q’ij toj ajla’b’l q’ij tu’n kku’b’qe’ ja ok tq’a’ a’mb’il tu’n txi’ (jun ja) San Jorge, juntl Rosalinda ex juntl Sipacate te ja te xnaq’tzb’il toj nin tnom te Escuintla.
Ex ikxju’, San Pedro Necta (ka’b’e’ ja) te ajb’e’b’l te ka’yel chwinqlal atzu’n Yumalcap, Barillas (jun ja) kka’b’lx tnom te Chno’mjel. Toj tnom te San Pedro Pinula, Jalapa (jun ja) te xnaq’tzb’il, toj kojb’il te Chiyux ex kojb’il te Chiacal Setal, te tnom San Pedro Carchá, Alta Verapaz kka’b’elx (jun ja) teyele junje ex ja te xnaq’tzb’il.
Ex ikxju’, aju’ CIV kub’ tchi’kb’a’n qa aju’ tpuaqel junje ja aju’ beljoj millón k’y’ oxk’al k’y’ jun mu’tx k’y’ kyaje’ ston k’y’ kyaje’ jok’al oxk’al k’y’ wuq tuk’e jun mu’tx tajlaj puaq atzu’n twi’ junje ja b’inchatl nel tu’n jwe’ jok’al k’y’ kawnaq oxlajoj ston tuk’e jun mu’tx kawnaq k’y’ jun tuk’e jun mu’tx’ kyajlajoj (kyaje’ ston ka’b’e’ jok’al k’y’ oxk’al tuk’e winqen kab’laloj tojele junje ech toj kyaje’ t-tx’u’k’) ex ilti’j tu’n tb’aj ka’yet tu’n ka’yel k’ij ja te tnom tu’n (UCEE).
Ajb’e’b’l kyu’n ja
Ku’b’ chi’kb’et qa kyuk’e winqen ja te xnaq’tzb’il oktzun kxel tq’on ajb’e’b’l kye ka’b’e’ ston k’y’ jwe’ jok’al tuk’e oxk’al xnaq’tzb’en te junje a’mb’il te xnaq’tzb’il. Akxtaq tuk’e o’lajoj ja b’inchanqe’ tu’n taq’le ajb’e’b’l te chwinqlal kxtokyel ki’j ka’b’e’ jok’al ston k’y’ winqen k’y’ jwe’ xjal, tz’elponetzu’n qa teyele junje ja te ajb’e’b’l te chwinqlal kxtokyel ky’j o’lajoj ston xjal.
Aju’ ajb’e’b’l kyu’n ja lu toj tkyaqil qtanum te Paxil lay we’ aju’ ajb’e’b’l te chwinqlal ex xnaq’tzb’il, se’n qa ntzajku’ nin jb’al ma junjetl ti’xti’ twitz qtxu tx’o’tx.
Ex ikxju’, aye’ ja b’inchanqetl chi onel tu’n tb’et aq’untj te b’incha’b’enqe’ ja te xnaq’tzb’il ma te ajb’e’b’l te chwinqlal aye’ matx chi xjo’qex ma at tzakjne ky’j, ajtzun kb’aj b’ant b’incha’b’e’nkye jni’x tu’n kyelqe’ ja aye’ naqx talkleqe’ tu’ntzun k’ikx kyoj juntl kojb’il at il ki’j.
En español:
Así son las aulas nuevas cuya construcción se contrató durante el estado de calamidad