Nk’yajchaq tnom te Paxil, wuqaq te txjawel tzaqpi’b’l. (AGN).- Aju’ Nejenel Bernardo Arevalo ten toj tkyajen chma’b’l nok kukxju’ te Tnej nka’nyen te b’an te tkyaqil nk’yajchaq tnom exqe’ jni’qexju’ kojb’il (Conadur), jatu’me’ yolenxix ti’ju’ tajlal puaq jaw laq’b’et kyu’n ka’yel ti’j kawb’il.
Toj yol te b’ankyulen, tma nejenel:
Tzqeku’ lu, aye’ ka’yel ti’j kawb’il xin kq’on jun majtl xtokb’il ti’ju’ qanb’il tu’n nejenel te qtanum tu’n tjaw laq’b’et tajlal puaq tibajxeju’ at tu’n tjab’en te ab’q’i lu te b’an kye kyaqil xjal.
Tmaxix nejenel qa aju’ puaq xjaw laq’b’et nimxix tajb’en tu’n kxi b’inchet b’anpe’ aq’untj se’nku’ tu’n kb’ant ja, aq’untj xtokyel txqantl aq’untj, xnaq’tza’bi’l te’ iqelqe’ xjal twi’ nin tnom, xtokb’il kye tij wnaq, kolb’ilqe’ xjal, ta’tzimil awal ex ijaj, o’nb’il kye xjal at txa’k yab’il ky’j ex junjtl ya’b’il.
Toj xtilen
Yolen nejenel ti’j qa il ti’j tu’n txi b’inchet jni’ aq’untj tojxix xtilen se’nku’ puaq kxe’l kye tnej ka’yel aq’untj kyoj nk’yajchaq tnom exqe’ kojb’il.
Te’ puaq kxe’l kyeqe’ junjetl tnej atkye’ kawb’il tku’b’ kib’aj ex kxolx ti’j se’n tu’mel kxel kyekcha’ne’ puaq, twitz ok ta’q’ ex ka’b’ilkye.
Juntl aq’untj tu’n txi b’inchet aju’ qa aju’ puaq kxel q’on atz k’yajb’e’le’ tu’n’ kyel b’anqe’ il at kyoj nimaq tnom te qtanum extzu’n twitz kwel ye’k’et kyojqe’ chma’b’l se’nku’ lu.
Q’ob’l kyoklen
Te’ telqe chma’b’l toj ja te tnom, aju’ nejenel xi tq’on kyoklenqe’ ak’aj q’il twitz Conadur.
Ex tma nejenel qa ate’ ak’a’j tq’ob’ tnej yekchal aq’untj te tkyaqil tnom.
Toj lunes kyajne ex toj q’il tqanel te tnom ex kyoj qe’ ch’ixpu’b’l kyeqe’ b’inchal tkab’ ak’aj tnej toj Conadur, jun ch’ixpu’b’l nomx txi b’inchet matx b’ant winqen k’y’ ka’b’e’ abq’i.
Aye’chaqtzun ak’a’j tnej ma chiokx toj nin tnej aye’ lu:
- Tnej ka’yel b’an te chwinqlal
- Tz’i’b’el te xq’uqel ka’yel ti’j b’a’n ka’chb’il kye xjal.
- Tz’ib’el te b’an chwinqlal
- Tz’ib’el kye aq’untj te txu’jel nejenel te tnom
- Tnej kye ku’xen te tkyaqil tnom
- Tnej toj tkyaqil tnom kye xjal tzkyaj
Nqanjs kyeqe’ xjal sk’onqe’ kyu’n tnej tu’n tku’b’ ttzaj kyek’en jatu’me’ nchi anq’ine tu’ntzun tel ni’k kye qa tojxix ax sk’onqe’ tu’n teyele junje kojb’il.
El presidente @BArevalodeLeon participa en la cuarta reunión ordinaria del Consejo Nacional de Desarrollo Urbano y Rural en el Palacio Nacional de la Cultura @AGN_noticias@SCEPgt@Segeplan pic.twitter.com/StRDgFw12k
— Brenda Lari (@Brenda_AGN) September 6, 2024
Qe’ yol
Toj chma’b’l ku’b’ aq’pet tqanel tib’aj jte’ puaq kyajb’el aj telqenaj ex aj kxi b’inchet aq’untj kyojele k’o’k’e tnom tokx toj tajlal kxel b’inchet toj juntl ab’q’i’ kxel ye’ket kye ka’yel ti’j kawb’il. Kxolqetzu’n yol aye’tzun ateju’:
- Ye’k’b’il te yol tla’x oxe’-winqen winqen k’y’ kyaje’ tu’n ka’yelxix ti’j tajlal te Conadur.
- Extzun, ku’b’ chi’k’b’et aju’ kyajlal jni’ aq’untj kxel b’inchet toj ab’q’i’ lu ibaj kyaj toj ku’b’l xim kye jni’ aq’untj nchiex b’inchet (SNIP), tu’n Segeplan
- Ex ikxju’ ku’b’ ye’ket aju’ xaq at kxol il toj tkyaqil tnom, ttxim tnej te Katun ex t u’j jatu’me’ tz’b’ene’ qa matx k’amlejse’.
Aju’ nin tnej te nk’yajchaq tnom exqe’ kojb’il (Conadur) atz te’ye’ toj jni’qexju’ nejenel teyele junje tnej kye mu’x tnom, k’o’k’e tnom. Atzuntz niwlejse’ kyoklen jni’ xjal te tnom qa at kyoklen ti’j jni’ puaq nxi kye tnom.
Te’kx kawnaq k’y’ b’eljoj xjal toj se’nkuqe’ nejenel teyele junje tq’o’b’ aq’untj te Nejenel, aj tz’ib’el te nejenel, nejenel kye k’o’k’e’ tnom ex q’il kwitz kkyaqil tnom te qtanum te paxil.
Extzun at kyaje’ nejenel kye kyaje’ tnom kwinaqle kib’ exqe’ sk’o’nqe’ kyu’n junje tnej nia’ tq’o’b’ nejenel, jatu’me’ te’kxe’qe’ tnej kye aq’onal twitz tx’o’tx, qya ex kkyaqil aq’onal.
En español:
Presidente participa en la cuarta reunión ordinaria del Conadur