Armita, 31 richin ri ik’ julio (AGN).- Ri iximulew k’a ninimaq’ijun na’ ruma nukamuluj rutz’ib’axïk rutzijob’äl b’anob’al chupam ri Etz’amaq’ chi la’ París 2024, matyox chi re’ ri Adriana Ruano xuch’äk xuk’ül ri medalla de oro chupam ri final richin foso olímpico kichin ixoqilal. Achi’el xub’än Jean Pierre Brol k’o kan jani’ ta juk’al kaji’ ramaj toq xatin pa bronce, ri Centro Tiro Chaterauroux, chi la’ Francia jun chik b’ey xok ya’öl rutzijoxkil achike rub’ankil ri jeb’ël laqam richin ri ruwach’ulew nisilon chi kaj, matyox chi re’ ri Adriana Ruano.
Ke re’ rub’eyal, chi rij ri waqlajuj ediciones akuchi’ kikanun ri ch’akonïk chupam ri etz’amaq’, Ri Iximulew nuk’ül ri rox medalla olímplica, jun chik b’ey k’in rutonïk ri etz’anem ri jantape oj rub’anun representar chupam ri jujun peyonïk olímpicas akuchi’ ri Iximulew rub’in wawe’ oj k’o wi’, ri tiro k’in armas richin caza.
Adriana Ruano xuch’äk medalla olímpica chi la’ París 2024
Chi rij jun nab’ey peraj ri xub’än rozar ri perfección, ri ch’akonel panamericana xutun 122 platos derribados xujikib’a’ jun cupo richin ri nimaläj final chin ri foso olímpico. Ri frialdad richin ri roqinel etz’anem Aj iximulew kan xtz’etetäj pa juk’al b’eleje’ rujuna’, ruma kan ja pa rutikirb’al ri final, ri chapina majun xrelesaj ta ri raqän chi rij ri acelerador.
Kan xe xe ri Ruano xub’än mantener invicta ri nab’ey wolajuj platos, Ri Iximulew nrajowaj wi’ jujun b’ey más ri medallo de oro.
Ke re’ rub’eyal nub’än convertir ri’ pa ri nab’ey ixöq Aj Iximulew ri xuch’äk jun medalla olímpica chuqa’ ri nab’ey richin q’anpwaq pa ri tzijob’äl b’anob’al etz’anem pa qamaq’.
¡Historiaaaaa! 🤩📷 #Guatemala 🇬🇹#JuegosOlimpicos de #Paris2024 , gracias a la magnífica ejecución de #AdrianaRuano que se quedó con el 🥇
¡Gracias por hacer sonar el himno de Guatemala en todo el mundo! 🇬🇹#GuatemalaEnParis2024 #GuatemalaPower pic.twitter.com/nx35NzRpj3
— AGN (@AGN_noticias) July 31, 2024
Pa ri jujun roqinïk, Ruano xerub’än superar ri ka’i’ españolas ri nkib’än apuntar chub’anïk jun, ka’i’ pa ri podio, po majun xkoyb’ej ta chi xtich’akon ta jun ixöq panamericana, ri xaläx chuqa’ xk’ïy pa rulewal ri q’uq’ ri xtub’än ta arrebatar ri ch’ich’ ri janila nikanüx k’in jun chuq’unem 45/50.
Pa ruk’isb’äl, ri Iximulew nuk’än chik jun k’ak’a’ medalla olímpica pa ri taq etz’amaq’ chi la’ París 2024, jun chik b’ey pa ri roqinïk k’in q’aq’ richin caza, po re jun b’ey chik re’ jun presea dorada. Ke re’ k’a jun b’ey chik nub’än escalar ri medallero richin ri etz’amaq’ ri xtinimirsäx ruq’ijul k’a ja ri’ 11 richin ri ik’ agosto chi la’ pa ciudad de la Luz