Armita, 4 richin ri ik’ septiembre. (AGN).- Ri chanpomanel Bernardo Arévalo xub’än participar re miq’ij re’ pa inauguración richin ri ka’i’ k’ojlib’äl richin aq’omab’äl raxnaqil chi la’ Chichicastenango, Quiché.
Chupam ri rutzijonem, ri chanpomanel xub’ij kan:
Ri raxnaqil richin jun tinamït ja ri’ ruxe’el choj pa ruwi’ nib’an contruir jun raxnäq winaqirem. Ri ruxe’el choj pa ruwi’ ri ak’wala’ yek’ïy nojowatäj chi ri cimientos k’o ta ruchuq’ab’il.
Ri taq k’ojlib’äl richin aq’omab’äl raxnaqil k’o chi la’ Semeja’ II chuqa’ Chugüexa II, chi la’ Chichicastenango, tinamital richin Quiché, pa noroccidente richin ri amaq’.
Richin ri construcción chin ka’i’ k’ojlib’äl, ri Chitüy richin Saqil Raxnaqil chuqa’ Asistencia Social (MSPAS)xukusäx jub’ama’ jun waqi’ millones chi maq’uq’ chin infraestructura chuqa’ equipamiento.
Nab’ey k’ojlib’äl richin raxnaqil
Pa rutzijonem, ri chanpomanel Arévalo xib’ij kan chi Semejá II k’o wakami ri nab’ey ruk’ojlib’äl richin raxnaqil.
Ri inauguración richin ri k’ojlib’äl aq’omab’äl raxnaqil nuq’ajuj chi ri achala’il tikirel nkik’ul atención integral chi to’ikem, aq’om, ak’wala’ k’in okem richin tzuq’unem chuqa’ k’in re re’ ri posibilidad richin ruch’utirsaxïk janila k’ïy taq yab’il.
Ri chanpomanel xub’ij kan chi pa rutikirb’äl ri q’ij wakami jun wo’o’ mil 800 winaqi’ rikirel xtikib’än gozar ri okem richin raxnaqil, re jun ch’ojib’äl ri yalan k’atzinel richin ri jujun winäq.
Re jun k’ojlib’äl raxnaqil re’, jun xak chqawäch apo richin nijikib’äx chi konojel nkib’än ta gozar ri respeto plano richin ri kich’ojib’al.
Xub’ij kan chi re k’ojlib’äl raxnaqil re’, xa kan xa jun tikirb’äl. Ri deuda histórica kik’in ri achala’il pa taq tinamït chuqa’ ruq’a’ tinamït richin ronojel ri amaq’ ri kan emestan kan janila nïm, po chapon samaj pa ruwi’ ri raxnaqil, tijonïk, infraestructura, richin qonojel ta ütz yojk’ase’ chuqa’ xa majun ta jun nik’ujekan chi qij.
Nuevos puestos de salud abrirán sus puertas en distintos departamentos del país para asegurar una atención digna, gratuita y de calidad a la población. 🏥 pic.twitter.com/otHPeh8Jwu
— Gobierno Guatemala (@GuatemalaGob) September 4, 2024
Oxlajuj k’ojlib’äl richin raxnaqil
Ri chanpomanel xub’ij chi k’in ri k’ojlib’äl richin raxnaqil ri xb’an inaugurar wakami pa Semeja’ II chuqa’ pa Chugüexá, ja yan oxlajuj k’in re re’, ri keb’an inaugurar.
E k’o juley chik k’a ri e chapon rub’anïk, pa ruk’isb’äl chi re’ ri juna’ k’o chi qab’anun chik contruir 31 k’ak’a’ taq k’ojlib’äl richin raxnaqil chuqa’ rutzil 81 k’ojlib’äl.
Re re’ e k’o pa 37 ruq’a’ taq tinamït richin ri San Marcos, Quiché, Alta Verapaz chuqa’ Chiquimula, akuchi’ xtiqak’uwaj más naqaj ri raxnaqil, k’in ri kuqub’äl k’aslem, k’in jikib’an tzij richin jun ütz q’ijul apo.
Xutz’aqatzaj kan chi ri rayb’enïk ja ri’, chi ri teja’ tikirel ta yek’ül k’in jikib’alil, akuchi’ ri taq ak’wala’ tikirel ta yek’ïy k’in uchuq’ab’il chuqa’ k’in raxnaqil, chuqa’ akuchi’ ri jujun miembro richin ri tinaminatil tikirel ta nuk’ul ri cuidado ri najowatäj richin jun tik’ases chuqa’ ütz k’aslem.
Matyoxinïk
Pa rutzijonem, ri chanpomanel xub’ij kan chi re b’anb’al re’, e tz’eteb’äl richin ronojel ri samaj re’ kichin ri winaqi’, achi’el ri Chitüy richin raxnaqil, Joaquín Barnoya; richin ri k’amöl taq b’ey, kichin ri Cocodes, kichin ri Ajpopi’ tinamït chuqa’ chi ke’ ri jujun winaqi’ ri e toynäq janta pe richin ri q’ij wakami tikirel nqab’än inaugurar re k’ojlib’äl richin raxnaqil re’.
Re re’ jun logro kichin konojel chuqa’ qonojel. Re k’ojlib’äl richin raxnaqil re’ kichin iwonojel rïx. Jun k’ojlib’äl richin encuentro, richin chajinïk chuqa’ richin to’ojri’ïl.
Ke ri’ chuqa’ xub’an ri peyonïk chi re’ ri winaqilem richin tikikusaj re taq tob’äl re’, richin ruchajixïk re’ k’ojlib’äl re’, achi’el jun b’eyomal. Chuqa’ xuk’utuj tob’äl richin ri raxnaqil chuqa’ ri bienestar napon ta pa ronoje ri k’ojlib’äl richin ri jeb’ël tinaminatil.
En español:
Presidente inaugura dos puestos de Salud en Chichicastenango