Sololá winqen k’y’ kyaje’ te txjawel julio (AGN).- Tuk’e b’eten ok toj tnom te San Juan Argueta, Sololá, aju’ Nejenel pon tuk’e Nejenel te k’ayel chwinqlal Joaquín Barmoya extzu’n aj tz’i’b’el te q’il tqanel te Nejenel Santiago Palomo nku’b’ kq’on jun te jun aq’untj te tkyaqil ka’yel chwinqlal.
Aju’ b’eten xi b’inchet tuk’e xim tu’n elqe aq’untj te q’ob’l toj tkyaqil Qtanum te Paxil tu’n kmietqe’ ya’b’il polio ex sarampión.
Te Nejenel Arévalo ten naqx te techel xi b’inchet atz San Juan. Tojtzu’n nk’u’b’l ti’j yol til te’ tok q’anmil ti’j tnejel txin, atzun q’on techel qa matx tz’elqe aq’untj.
Aju’ tokel q’anmil nk’un ti’j tu’n teqe oxe’ te txjawel agosto ex jyon tu’n tok q’anmil ki’j nim k’wal toj qtanum te Paxil.
Toklen tu’n tmietju’ yab’il
Te’ tyolen, nejenel Arévalo xi tq’onxix toklen qa il ti’j tu’n tok q’anmil tu’n a jun tu’mel tu’n kmiet yab’il. Qe’ yab’il jaku’ chi miet, jun tu’mel aju’ tu’n tok q’anmil k’y’ k’wal tma nejenel.
Txokyen ky’ jni’ xjal tu’n txi kyi’nqe’ kmial ma k-k’wal tu’n tok q’nmil ky’j kyojqe’ q’ij aj tok q’anmil toj tkyaqil tnom.
Ja te b’an chwinqlal
Ti’jxetzunju’ aju’, tojtzun k’iwla’b’l te tokyel q’anmil, te nejenel Arévalo ajb’en a’mb’ilte tu’n tyolen ti’j se’n pone’ aq’untj ti’j ak’a’j ja kye ya’b’ toj tnom te Sololá.
Te’ kja ya’b’lu kyajb’el ex b’incha’n tu’n tq’onte ajb’e’b’l tojxix tb’anel kwitzqe’ txqantl.
Xi tma’nxix qa aju’ kja ya’b’ nixix tjab’en ex k’yonel tu’n t-ten jun tb’anel ajb’e’b’l te chwinqlal te tnom aju’.
Te’ b’e’ten ok nejenel tja xnaq’tzb’il toj tnom te San Juan Argueta nia’ o’kx xanje tu’n k’wla’b’l te tokyel q’anmil.
Ajb’en a’mb’il tu’n kb’aj tka’yen jni’qexju’ ja chi ajb’el jatu’me’ chi okyel q’anmil.
Aju’ taq’en Nejenel tuk’e ajb’e’b’l te chwinqlal te tkyaqil tnom kyaj toj xtilen tuk’e b’eten ok. Tuk’etzun ajb’e’’b’l te tokyel q’anmil te tkyaqil tnom ex b’inchb’e’ ak’a’j ja kye ya’b’, te nejenel Arévalo jyon tu’n txtoken ti’j jni’ aq’untj te chwinqlal ex tu’n tkyaj tojxix xtilen qa jni’qexju’ tk’wal tnom tu’n t-ten kyoklen te jun tb’anel ajb’e’b’l te chwinqlal.
Aju’ nelb’il xi tb’inchan Arévalo toj tnom te San Juan Argueta ex k’iwla’b’l naqx te techel te tokyel q’anmil nkyaj tq’on jun techel te aq’untj tu’n tmiet ya’b’il polio ex sarampión toj tkyaqil qtanum te Paxil.
Tuk’e xim tu’n kmiet ya’b’il tuk’e q’anmil k’okyel ex ljo’b’l tb’inchjs ja kye yab’, te nejenel nxi tb’inchan jun tb’anel aq’untj tu’n telb’an ch’intl chwinqlal toj k-kyaqil tnom.
En español:
Presidente participa en acto simbólico de la Campaña Nacional de Vacunación en Sololá