Qtanum te Paxil, ka’b’e’ te’ xjaw lu (AGN).- Aju’ nejenel Bernardo Arévalo xanj nenelqe’ iyla’ kojb’il te’kx toju’ Zona reina, Quiché, tu’n tojtzqinte’ se’n tu’mel ta’ t-txolil se’n naq’onane’ tzaj jun twitz kyaq’en xjal toj kmon.
Tojtzu’n tyol xi tma’n, aju’ nejenel tmaxix jun majtl qa at o’nb’il tu’n nejenel tu’n txi b’inchet aju’ tu’mel aq’untj kyu’ne’ kyoj txqantl kojb’il toj nin kojb’il jatu’me’ nchi anq’iniye:
Aju’ nejenel te tnom atzta’ ja’ tzalu te xtokyel qe kyeye’, atzun tanmun qyoljuye’ saj qi’neye’ kyeye’ ja’, atzu’n xtokb’il lu atzun kxel ljonteju’ aju’ Tnej te ka’yel te tzaj ex q’inumal ex ja te ajtz’ib’el te nejenel.
Atzu’n q’il twitz tnom tmaxix qa tuk’e ojtzqi’b’l ex xtokb’il tu’n nejenel, jaku’ pon tzaj kye txqantl kojb’il kye txqantl tnom te qtanum.
Aju’ o’nb’il
Tojtzu’n tyol nejenel Arévalo, tmaxix qa ma txi b’inchet aq’untj kmon kxol Tnej te tzaj ex nejenel te ntyaqchaq tnom ate ximju’ tu’n tpon tzaj kye jun mu’tx k’y’ lajojtl kojb’il.
Tzajneqe tu’n Tnej ka’yel ti’j tzaj ex q’inumal (MEM) extzun tnej te ka’yil ti’j Tzaj te tmom (inde) tzuntzun qo jyon tu’mel tojxix ax tu’n tpon tzaj toj tkyaqil qtnum te Paxil.
Ate ximju’ tu’n tpon o’nb’il kye jun mu’tx’ k’y’ lajoj kojb’il toju’ nim kojb’il zona reina, tuk’etzun naqakx tk’itz kawnaq k’y’ wuq ston xjal ate’ tzalu tuk’etzun twitzju’ kyaq’en ex kcheqb’il.
Tu’k’e nejenel tok ja’le ok chi knetlel xtokel qe kyeye’, xcompi’t ex xjal chi aq’onal tuk’e tkyaqil kyanmi tu’ntzun telb’an k-kojb’ile ex tnom te tkyaqil.
El presidente @BArevalodeLeon visitó la Zona Reina, Quiché, para conocer el funcionamiento de su sistema de electrificación como fruto del esfuerzo comunitario. 🔌💡 Con estos conocimientos y en colaboración con el Gobierno, se podrá llevar energía eléctrica a más áreas del país.… pic.twitter.com/q7Y7aAru9S
— Gobierno Guatemala (@GuatemalaGob) July 2, 2024
Techel jun aq’untj tb’anel ex kuw
Te nejenel tmaxix qa aju’ tnej lu jun techel te jun aq’untj kmon cheb’e cheb’e xi kb’inchan maxtzu’ toj k’ixk’oj, i’kyeme tib’ajxetzu’n jni’ il matx tz’ik toj tkyaqil kchwinqlal extzun k’ujla’b’l se’n tu’mel matx chi aq’onane’ te b’an kye k-k’wal.
Atine tzalu tu’n aye’ye’ tzaj q’on jun kawb’il weye’ t’un waq’onane’ te b’an te kmon te tkyaqil qtnum te paxil jatu’me’ tla’ye i’kyeme jatu’me’ il ti’j tu’n tkyaj t-tze’taj jwe’ jok’al ab’q’i te jun chwinqlal te k’ixk’oj.
Ate ximju’ tu’n qaq’onan junx ex mujle tu’n txi q-q’on jun tb’anel tchwinqlal, xnaq’tzb’il, k’a’chb’il ex tzaj kxol junjetl aq’untj tu’n txi b’inchet.
Toju’ b’eten ok, xi tb’i’in junjetl qanib’il senku’ ti’j tb’anel kolb’il te ka’chb’il ex b’an chwinqlal teyele jun kojb’il.
Chjonte
Cirilo Acabal, nejenel ma wi’xen kye kojb’il, xi tq’on chjonte te nejenel tu’n b’eten xi tb’inchan ex tu’n o’nb’il kxel tq’on kye jni’ kojb’il.
Aye nejenel, a kojb’ilju’ lu CPR, i’tzx qo’ye’ tb’ajlenxe’ q’oj tzaj toj qtanum, o anq’ine kyajlajoj ab’q’i ti’jxe’ qtnum. Naqtzun aju’ ja’le nqo tzalaje’ tu’n luye at qxole’ nejenel.
Tmaxix qa aju’ tzaj at ja’le chjonte tu’n o’nb’il kyu’n tnej xjal te juntl tnom ti’jxe’ qtanum ex ja’ nchi onen ky’j jun ston kb’et xjal toj kja tuk’e tzaj.
En español:
Presidente Bernardo Arévalo conoce sistema de electrificación en la zona reina, Quiché