Twi’ nin tnom te Paxil, kyaje’ te’ xjaw lu, (AGN).- Aju’ nejenel Bernardo Arevalo ten te q’ij miercoles k’iwlal ka/’b’e’ ja te ka’yel kchwinqlal xjal toj tom te Chichicastenango, Quiche.
Atzun tmaju’ lu tej tyolen:
Aju’ tchwinqlal jun tnom atzun tq’uqb’ilju’ jatu’me’ nku’b qeye jun tnom kyexix tchwinqlal. Tq’uqb’il jatume’ aye’ k’wal nchi ch’iy ex nchi anq’in tojxix nkyal ti’j iktzun ttenju’ aye’ tq’uqb’il kuwqe.
Qe’ kq’o’b’ kja ka’yel kchwinqlal xjal atz ibaj ku’b’ b’inchete kyoj kojb’il Semeja II ex Chuguexa II, Chichicastenango, Quiche, te’ plaj elny te qtanum te Paxil.
Tu’ntzun kb’ant aye’ ka’b’e’ ja ka’yel kchwinqlal xjal ex tu’k’ex jni’ aq’omil, aju’ ka’yel chwinqlal (MSPAS) xi tq’on wuqaq millon puaq.
Tnejel ja ka’yel kchwinqlal xjal
Te’tzu’n tyolen, aju’ nejenel Arevalo tma qa aju’ kojb’il Semeja II ja’le attzunju’ tnejel ja ka’yel kchwinqlal xjal.
Aju’ k’iwla’b’l kye ja te ka’yel kchwinqlal xal a tz’elponeju’ tu’n kpon txqantl xjal ka’yel kchwinqlal te tkyaqil, tu’n taq’le ajb’e’b’l toj ch’intqan, q’anmil, q’anmil kye k’wal, tuk’etzun lu tuk’e xim tu’n kmiet txqantl ya’b’il.
Tma nejenel qa te’ q’ij lu jwe’ ston k’y’ wajxaq jok’al xjal at a’mb’il kye tu’n tka’ijs kchwinqlal, te aju’ jun nin kyoklen te kchwinqlal te jun xjal.
Te’ ja te ka’yel kchwinqlal xjal jun txol qamaj tu’ntzun kyaqil xjal ichen, qya ma k’wal at kyoklen te nimen te kchwinqlal te xjal.
Tma qa aju’ ka’yel chwinqlal lu atzun tnejelju’. Te ka’yel chwinqlal jun k’aste’ ojtxi kye xjal toj kja, tnom exqe’ kojb’il toj tkyaqil tnom oje’ chi i’k’ kna’l, lutzun aq’untj matx tz’elqe te ka’yel chwinqlal, xnaq’tzb’il, b’e’ ex ja, tu’ntzun qkyaqilx qo anq’il jun chwinqlal nkial ti’j ex mix a’lex jun kyaj t-tze’taj.
¡Semajá II está más saludable que nunca! 🌱
Con el nuevo puesto de salud, más de 11 mil personas ahora cuentan con acceso a atención médica de calidad. 💉👶 Control prenatal, vacunación, prevención de la desnutrición, ¡y mucho más! Un esfuerzo del programa #CrecerSano para… pic.twitter.com/blC0XGzsRG
— Ministerio de Salud Pública (@MinSaludGuate) September 4, 2024
Oxlajoj ja te ka’yel chwinqlal
Tma nejenel qa tu’k’e ja xk’iwlet ja’ Semeja II ex toj kojb’il Chjguexa, npon jun kyajlal te oxlajoj ja te ka’yel chwinqlal matx chi k’iwlet.
Ate’x txqantl ljo’n kb’inchanjs ajtzun telju’ ab’q’i lu otaq chi b’ant winqen junlajoj ak’a’j ja te ka’yel chwinqlal ex jun mu’tx k’y’ jun chiexel b’inchet ch’intl tu’n matx chib’aj xitj.
Aye’ aq’untj lu atz te’ye’ kyoj winqen k’y’ wuq kojb’il kye tnom te Txe Chman, Quiche, Alta Verapaz ex Chiquimula, atzuntz kxel qiniye’ aju’ k’ulb’a’b’l tuk’e b’an chwinqlal ex tuk’e xim te jun tb’anel chwinqlal.
Ok t-tzqtzan qa ate ximju’ tu’n taq’le jun ajb’e’b’l tojxix tu’mel kye txub’aj, jatu’me’ chi ch’iyel kwal kuwqe’ ex tojxix tb’anel, ex jatu’me’ teyele junje xjal toj kojb’il kxel q’onte jun ajb’e’b’l te jun tb’anel chwinqlal tu’n kten toj tzalajb’il.
Q’ob’l chjonte
Toju’ tyol tma nejenel qa aye’ aq’untj nchiex b’inchet jun techel kyaq’en txqan xjal senku’ ka’yel ti’j chwinqalal, Joaquin Barnoya; nejenel kye tnom, tq’o’b’ nejenel, q’il twitz kojb’il ex teyele junje xjal ma tz’onen tu’n txi b’inchet aq’untj aju’ nk’iwlet qu’n ja’le.
Te’ lu jun aq’untj xkanmet qu’n ex qe qkyaqilx. Jun ja te ka’yel chwinqlal kyeye’. Jun ja te k’ulb’a’b’l, te xtokb’il ex mujb’a’b’l.
Ex ikxju’, txokyen ki’j jni’ xjal tu’n kyajb’en kye aju’ ja te ka’yel chwinqlal, tu’n tok k-ka’nyen se’nku’ jun q’inumal. Txokyen ki’j xjal tu’n kyonle kib’ tu’ntzun aju’ ajb’e’b’l te chwinqlal tu’n tpon toj tkyaqil t-txu’k kojb’il.
En español:
Presidente inaugura dos puestos de Salud en Chichicastenango