Nkyajchaq tnom te Paxil, wajxaq lajoj te txjawel anum (AGN).- Aju’ nejenel Bernardo Arévalo tma te qonik’en te q’ij domingo qa txokyen ti’j nejenel te ka’yel ti’j kawb’il (MP), Consuelo Porras, tu’nwtle txi tq’on jun chi’b’a’b’l ti’ju’ ta’q’en twitzju’ il nojqelen tu’n tla’ twitzju’ taq’en te ptxo’b’l ti’j qanb’il tz’eisb’il witzb’aj ti’j oxk’al lajoj iyle’q’en, naqx jun techel kxolqe’ jni’ txqantl il at.
Kyeqe’ q’il tqanel ib’ajpon toj nin ja te tnom, te nejenel tma:
Te aq’pu’b’l kawb’il toj qtanum te Paxil at il nojqelen ti’j tu’n aye’ aq’onal toj ka’yel ti’j kawb’il k’lo’nqe’, twitzju’ aju’ tu’n nejenel qine te tnom nxi nma’ne te tnom ti’ ka’b’e’ aq’untj chixel b’inchet toj ch’intqan.
Ti’ju’ tnejel xim ex aq’untj, tma qa a nejenel lay tk’am qa aye’ xq’uqel chi nimel te jun kawb’il tzaje tu’n ka’yel ti’j kawb’il b’inchal il ex naqx tok q’olku’ kawb’il, iltzun ti’j tu’n txi b’inchet jun ttxolil tojxix xtilen tu’ntzun tklet qa tkyaqil kawb’il tu’n txin b’inchet se’nku’ nq’umlejs toj ttxu nin kawb’il.
Ex tmaxix:
Ma ku’b’ nximene’ tu’n ttxkyet toj ch’intqan aju’ nejenel te MP, a Consuelo Porras, tu’n ttzaj tq’on jun ch’i’k’b’a’b’l toj ch’intqan tqal tu’n a tok b’inchalte’ nia’ b’an tuk’e’ kawb’il.
Alkyexixte, aju’ aq’untj matx txi tb’incha’n MP matx tzajb’en kawb’il te ajb’e’b’lte, tu’n telti’n a’mb’il tu’n kyolen xjal ex matx tz’okten ljolqe’ q’il tqanel, se’nku’ nq’mlejs tu’n ttenej kye b’ampe’ tnom ka’yel kyoklen xjal ex tma jun tnej kye tnom mujleqe’.
Te nejenel Arévalo tmaxix qa, ax tu’melju’, Porras ilti’j tu’n tkub’ tchi’k’b’an tib’aj tqal tu’n tla’ twitzju’ aq’untj nxi b’inchet ti’ju’ iyle’q’en, nwilejs ky’ju’ oxk’al lajoj qanb’il tz’eisjb’il witzb’aj oje txi tqanen nejenel tla’x matx txi b’inchet ky’j.
Ex ikxju’ tma nejenel:
Qeju’ txqantl aq’onal te tq’o’b’ aq’untj tu’n txi anq’etju’ kawb’il il ti’j tu’n tokx kq’on toj kwi’ qa, toj a’mb’il se’nta’ tu’mel nia’ b’a’n ta chwinqlal ja, a kyaq’enju’ tu’n kten kxlaj xjal te qtanum ex tu’n txi aq’pet kawb’il te b’an kye xjal.
Xix xi tma’n, toj tyol kye jte’ xjal iyle’qqe’, qa aju’ anq’il toj tzaq`pi’b’l jun xo’b’ajil kye iktzun ttenju’ kyaj tu’n tku’b’ kch’uq’en naqx se’n tu’mel.
Junje aq’untj kyajqe’ tnej iyle’q’ tu’n txi kb’incha’n
Ok tyek’en qa aju’ anq’ib’l te kawb’il toj qtanum te Paxil toj il ta’ye’. Ja’le, jun majtl matx qil ti’j jun aq’untj jaw chan tu’n ka’yel ti’j kawb’il, qa ikju’ xi tq’on tojxix il aju’ tu’mel chwinqlal.
Tma qa aye’ xq’uqel te MP ib’aj okx to tja elne nejenel te ka’yel ti’j b’e’ ex ja (CIV), Felix Alvarado, jatu’me’ etz kyn aju’ tu’j tu’n txi’ kyoj juntl tnom exqe ti’xti’ nchi ajb’ente.
Tb’ajlenxeqe’ tyol te xtokb’il te elne nejenel te ka’yel ky’j aq’untj te b’e’ ex xi tq’on chjonte te tu’n waqaq xjaw xten toj aq’untj te CIV, jun aq’untj xi tb’ichan toj xtilen, tu’ntzu’n aju’ el ti’k’en aju’ xi tb’incha’n MP, jun aq’untj te ch’ixb’len.
We’ tu’k’e tyol qa aju’ xi tb’incha’n MP a juntl aq’untj ljo’b’lqe’ txqantl nia’ b’an jun techel qa ni’kxix tib’aj toklen ex matx chib’aj kub’ tmoyenqe junjetl tnej nchi aq’onan ti’j ka’yel ti’j kawb’il, tu’k’etzun tu’mel aju’ nku’b’ tye’k’en qa aju’ kawb’il te jun eyle toj qtanum te Paxil toj il ta’ye’.
Ku’b’ tq’on techel se’nku’ xi b’incha’n ti’j nejenel te tnej ka’yelqe’ at il ky’j, Ligia Hernández, kub’ we’ kuw kwitz ka’yel ti’j kawb’il iyle’qqe’ tu’ntzu’n aju’ okx q’on wuqaq xjaw toj tz’eisjbil witzb’aj tla’x til ex ok q’on xob’ajil ti’j naqx tu’n tk’an toj jtz’o’b’l qa at til okx tjyo’n.
Ex yolen ti’j q’il tqanel José Rubén Zamora, tb’ajlenxe wajxaq jok’al q’ij toj tz’eixjxb’il witzb’aj, etz tzaqpi’n naqx jte’ q’ij, naqtzun kyojqe’ q’ij lu, aye’xju’ jte’ xjal iyle’q’ nchi jyon tu’mel se’ntten tu’n tanjtl ti’j jun majtl toj tz’eisjb’il witzb’aj, tu’k’etzu’n lu te’k yekyelte qa at i’kyeme’ kyu’n ti’j a’nb’il tu’n kyolen xjal.
En español:
Presidente Arévalo cita a fiscal general a fin de que rinda cuentas sobre crisis de justicia