Nk’yajchaq tnon te Paxil winqen k’y’ kyaje’ te txjawel tzaqpi’b’l (AGN).- Te nejenel Bernardo Arévalo kub’ tchi’kb’an toj Nin Chma’b’l te Kkyaqil Tnom Mujleqe’ aju’ toksla’b’l qa kwel b’inchet jun tnom te jun eyle, a’mb’il te jun b’a’n chwinqlal kye kkyaqil xjal.
Te tyolen toj oxk’al beljojlajoj Nin Chm’a’b’l kye Tnom Mujleqe’ (ONU), te nejenel Bernardo Arévalo tmaxix qa il ti’j jun chwinqlal te nk’yalti’j ex aq’untj tu’n tku’b’baj iyle’q’en toj qtanum te Paxil.
Tej tyolen, elqe tu’n tuk’e jun q’olb’el toj kyol ktxewnaq, tmaxix qa a Qtanum te Paxil lu nb’et ex nb’et twitzxe’ jyol jun chwinqlal te jun eyle, jatu’me’ aju’ b’a’n te chwinqlal kpomel toj tkyaqil t-txu’k’ tx’o’tx te qtnum, tuk’e xim kye kojb’il kye tnom oje’ tz’i’k kna’l, ex jatu’me’ teyele junje naqx alkye xjal, at toklen tu’n txi tanq’in jun chwinqlal te nkyal ti’j.
Te nejenel Arévalo tzaj tna’n tqal tu’n atz ta’ye’ toj ONU tu’n ka’b’e’ techel toj xtilen teju’ kyajb’il tnom. Tnejel, tu’nju’ sk’o’b’l ex kanb’a’b’l te abq’i winqen winqen k’y’ oxe’ extzu’n tkab’ aju’ xtokb’il ex kolb’il taq’ tnom ex ikxju toj winqen winqen k’y’ oxe’ tu’n jun mu’x tnej alq’al tjoy tu’n tkub’we’ ex taqtaq tu’n tkub’ talq’an aju’ tzaqpi’b’l at kye xjal.
Tojtzu’n ttxolel, te nejenel xi tq’on chjonte kye nin tnom ti’jxe’ qtanum, kye tnom ex nejenelqe’ ibajten junx quk’e, junx tuk’e’ qtanum te Paxil tojtzu’n aq’untj nim toklen toj chwinqlal winqen winqen k’y’ oxe’, ex tu’nju’ xtokb’il tzunx ntzaj kq’on tu’n tten qipumal tu’n kkletqe’ nchi anq’in toj nkyal ti’j.
Toklen aq’untj tu’n tkub’aj iyle’qe’n toj Qtanum te Paxil
Te nejenel Arévalo tmaxix ti’ju’ toklen aq’untj ti’ju’ iyle’q’en, jun ya’b’il kub’ twa’b’en tnom kyojqe’ ab’q’i kyajne.
Se’nku’ qtanum te Paxil, aju’ iyle’q’en ib’aj kux tq’on tlo’k ex jun kawe’n kuwxix kyojqe’ ab’q’i kyajne, te tze’ysb’il witzb’aj, biyb’en tu’n tpaj xim, i’kyeme ky’j naqx alkye xjal kyoj tnom. Naqtzun aju’ cheb’e’ ikju’ qkolpaj. Lu qo’ ikju’ qkolpaj kyojqe’ kxb’il jtz’olqe kyoj ab’q’i kyajne toj qlolaj ex lu jun tnom ku’xen ni’tzje, tuk’e ak’aj xim, nim toklen ex toj tzalajb’il. Qe’ ku’xen tla’ nchi kub’ nume twitz il nojqelen ex iyle’q’en, tmaxix Arévalo.
Toj mankb’il, ponb’aj twi’ tyol kyuk’e yol te’kux toj xjan u’j kye qxe’chel Maya, Pop U’j: Kkyaqilx tu’n kjaw we’, tla’xte jun tu’n tkyaj t-tze’taj.
En español:
Presidente Arévalo ante la ONU: “Guatemala está cambiando, caminando hacia un futuro más equitativo”