Nkyajchaq tnom te Paxil o’lajoj te’ xjaw lu. (AGN).- Aju’ tnej ka’yel ti’j tpuaq tnom (Mineco), toj tb’i Karina Donis, nejenel te ka’yel ti’j twi’ kaxjel kye aj lo’q’el (Diaco), okx tye’k’e’n jun qanel tze’isb’il witzb’aj ky’jqe’ njaw klaqb’a’n kwi’ lo’b’j ex itzaj.
Te tpon tojxix ja te Ka’yel ti’j kawb’il, toj kojb’il te Gerona, atzu’n nejenel te Diaco xi tchik’b’a’n:
Ma tzaj qine jun u’j lu te qanel tze’isb’il witzb’aj ky’j xjal njaw klaq’b’a’n kwi’ jni’qexju’ itzaj ex lo’b’j. Te’ lu kyeqexixju’ k’axjel xjaw laq’b’et kwi’ ex tla’x tqal tu’n te’ sel xjaw kyajne ex sokju’ xjaw lu.
Kxolqe’ junje k’axjel atzta’ xkoyb’il, cebolla, txan, itzaj tolen ti’j, oj, sqal-na’x ma is.
Chitzu’n Diaco, alkyeqe’ njaw klaq’b’an kwi’ xi’n, chenaq ex junjetl, se’nku’ lo’b’j exqe’ itzaj jaku’ chie’x toj tzeisb’il witzb’aj te oxe’ ab’q’i ex jun puaq tu’n tchjet te oxe’ ston.
Nchi qanen ch’i’chb’a’b’l
Akxtaq, aju’ nejenelxix te Diaco tma qa aju’ xi qanet toj u’j aju’ jun chi’k’b’a’b’l kye iyla’ tnej tu’n kyonen tu’n tkyaj toj xtilen ex tu’n klpe jyolqe’ xjal njaw klaq’b’an twi’ ti’xti’ najb’enxix toj ja kye kyaqil xjal.
Toj u’j te qanel tz’eixb’il witzb’aj ntma’n qa nxi kqanen jun chi’k’b’a’b’l te Ka’yel puaq te tkyaqil tnom (SAT), se’nkuxkye nejenel kye tja mu’x tnom ex tnej jatu’e’ mujleqe’ xjal (cooperativas) tib’aj se’nta kwi’ ti’xti’ aju’ najb’en teyele junje q’ij kye xjal.
Xi qanet chi’k’b’a’b’l te SAT; Ka’yel ti’j twitz tx’o’tx, alu’mj ex ka’chb’il (MAGA) tnej kye Cooperativas, kye nejenel te nin tnom Paxil ex te mu’x tnom Villa Nueva.
Kye tja tnom nxi qanet kyajlalqe’ nchi majanan ja toj nin ka’yb’il (Cenma) ex te ja te ka’yil jatu’e’ nchi we’ye’ kxb’il te iqtz.
Aju’ matx knet
Aju’ nejenel tma qa aju’ qanb’il tze’isb’il witzb’aj okx tb’ajenxe’ xpi’chb’il ckmon xi b’inchet kyoj q’ij kyajne toj Cenma, toj kab’lalj tnej te tnom ex toj ka’yb’il jatu’me’ nchiwe’ jni’ nimaq kxb’il, toj tkyajen tnej te tnom.
Te Diaco okx tqane tze’ysb’il witzb’aj ky’j tnej kxmo’nb’ele kyb’ k’ayel ixin, lo’bj ex itzaj twitz ka’yel ti’j kawb’il. Aju’ xpi’chen xi b’inchet kmon nim txqan ti’xti’ knet ex nimxix toklen.
Aju’ xpi’chen xi b’inchet kmon atzun ku’b’ nej twitz a Herbert Ordoñez, nejenel te ka’yb’il ex ptxol ti’j te Diaco. Kxoltzu’n tma.
Kukx at-te xpichenju’ tu’ntzun tel nik’ ti’j qa kyoj ka’b’il, minaq ka’yb’il ex mu’x ka’yb’il kyoj tq’ob’ tnom tib’aj se’nta’ kwi’ ti’xti’ n-najb’en kye xjal, atzu’n toj kub’ lu aye’tzun nchi xpi’chenjsju’ aye’ nimaq k’axjel.
Tojtzu’n xpi’chen xi b’inchet ibajten aq’onal te MAGA, Ka’yel ti’j tpuaq tnom extzun Diaco.
El Ministerio de Economía, a través de Karina Donis, directora de @diaco_gt, presenta denuncia penal contra entidades de la cadena de comercialización de Granos Básicos, frutas y verduras en el Ministerio Público. Los operativos conjuntos revelaron hallazgos significativos. 1/2 pic.twitter.com/Q3IbSjuSeX
— Ministerio Economía (@MINECOGT) July 15, 2024
Xpi’chen kyoj b’e
Txi’x viernes qonik’e maxtzu qsqix te q’ij s’abado oxlajoj te’ xjaw lu, qe’ nejenel teyele junje tnej b’aj jun xpi’chen kyu’n ky’j kxb’il q’in itzaj kyun, lo’b’j ex twitz awal tu’n txi ky’n kyoj nimaq ka’yb’il te twi’ nin tnom te Paxil ex Sacatepéquez.
Te’ lu tu’n matxix jaw laq’b’a’n kwi’ ti’xti kyoqe’ mankb’il q’ij, a’lu nb’inchen to’q’ex ky’j b’ampe’ ston xjal te qtanum te Paxil.
Aju’ aq’untj lu atz xi b’inchete’ toj xpi’chen kub’q’on kyu’n iyla’ tnej, atzu’ toj tajlal b’e’ 75.4 toj nin b’e’, ni’kx Patzicía, Chimaltenango. Toj b’e’ aye’ ibajten aye’ aq’onal te Diaco, SAT ex qe’ te kye xq’uqel, Klol tnom, Ka’yel ti’j tx’o’tx ex ka’yel ti’j kawb’il.
En español:
Diaco lidera acciones penales por especulación de precios en frutas y verduras