Nk’yajchaq qtanum te Paxil, oxlajoj te’ xjaw lu, (AGN).- Aju’ nejenel Bernardo Arévalo, junx tuk’e tnej te tkyaqil qtanum tu’n kmiet il (Conred), xi tchi’kb’an se’n tu’mel tu’n kmiet il toju’ jb’alel lu winqen winqen k’y’ kyaje’.
Aju’ nejenel xi tchi’kb’a’n qa jni’xu’ kbet ka’yel ti’j tnom matx b’aj kb’incha kyb’ twitzju’ jb’alel nimxix toklen tu’n nimxix a’ ktzajel toj tkyaqil tnom te qtanum te Paxil.
Aju’ jb’alel winqen winqen k’y’ kyaje’ nimxix toklen toj kchwinqlal xjal tu’n nimxix jb’al ktzajel twitzte’ junjelt ab’q’i. Aju’ il ktzajel tu’n jb’alel nqane’qe ayo’ xjal te tnom tu’ntzun tb’aj qb’inchan qib’ tu’n qkol qib’ twitz nimxix jb’al ktzajel, xi tchi’b’an nejenel.
Twitztzu’n tu’mel chwinqlal lu aju’ nejenel ma wi’xen te tnom ok t-tzaqtzan qa, tnej te Conred, matx b’ajb’ichet-te’ jun nk’u’b’l ti’j qa oje tz’elqe taq’en nomtaq t-tzaj naqx alkye il. Tojte’ lu tokx jun xim se’nt-ten tu’n tajb’en jni’xju’ o’nb’il at.
Ok kxel smet jni’xju’ o’nb’il at tu’n taq’le tzaq’we’b’l teju’ il ktzajel ti’n jb’alel, atzun ok t-tzaqtzanju’.
Nk’u’b’l ti’j aq’untj tu’n taq’le tzaq’we’b’l twitz jun il tu’n jb’alel
Ate’ nk’u’b’l ti’j aq’untj tu’n taq’le tzaq’we’b’l qa at il ntzaj ate kxel yekchante aju’ tnej te tkyaqil qtanum te Paxil tu’n tmyet il (Conred), tuk’e xim tmiltz’et kamaj jni’xju’ aq’untj tojtzu’n tu’mel ikju’ kya’q’el tzaq’we’b’l toxix tu’mel ex te junmajx jatu’me ntzajku’ il.
Winqen lajoj ston sq’uqel chitemel ka’yel ti’j jachaq tu’me’ ktzajel il tu’n jb’alel.
B’eljojlajoj tnej aq’onal ex kxb’il kye’ tnej oje’ b’aj kxnaq’tzan kib’ kxol xq’uqel naqx nchi ayon tu’n kxi’ onel aj ntzajku’ qo’tx’ kyoj b’e’ qa ilxix ti’j.
Jun mu’tx’ k’y’ wajzaq ston mlon ka’chb’il (lo’nti’j= frijol, iyxin ex arroz) ate’tl ex k’u’n tu’n tnej te ka’yel ti’j twitz tx’o’tx tu’n txi sipet kyojqe’ kojb’il ma tnom jatu’me jaku’ tzaje’ il.
Aju’ tnej te ka’yel ky’j b’e matx tz’elqe jun nk’u’b’l ti’j kyu’n te kolb’il, tojtzu’n aju’ tokx toj tu’n kxi bínchet ja te Covial jachaq tu’me jaku’ tzaje’ il tu’ntzun txi tzaq’we’b’l toj ch’intqan kye ja ma b’e’.
Aju’ Tnej ka’yel tu’n telb’an chwinqlal te kkyaqil xjal a junju’ tokx toju’ nk’u’b’l ti’j ate’tñ kyuk’e a’mbil tu’n kyajb’en tu’n t-ten k’a’chb’il kyoj naqx tu’n txi’ kye xjal aj t-tzaj jun il toj ch’intqan.
En español:
Presidente Arévalo presenta plan y detalla los recursos para enfrentar la época de lluvias 2024
dc