Armita, 8 richin ri ik’ julio (AGN).- Ri Chitüy richin Ajtzij chuqa’ Ajtz’aq (CIV) xuch’ob’ ri jalajöj taq b’eyalil xtukusaj richin nujikib’a’ ri saqil chupam ri jalajöj taq b’anb’äl chuwäch ri estado chin calamidad.
Ri molojri’ïl xub’ij chi, richin nub’än garantizar ri legalidad chupam ri b’eyalil, kan xkesamajïx jalajöj taq b’anb’al ri xtikiküt ri ütz taq b’anb’al xkeb’an. Ruma ri’, nab’ey k’o chi yeb’an adjudicaciones richin to’ikem rik’in ri Guatecompras, ri plataforma richin rutaluxïk ri
Concursos chuqa’ adjudicación richin retal tzij chin ri saqamaq’.
Ri rucompromiso re administración re’ k’o chi kan pa saqil ta nub’än ri jalajöj taq samaj chuqa’ kan k’o ri nuq’alajirisaj chuwäch ri chanpomal.
Chupam ri rucomunicado, ri CIV nub’än detalla:
Ustape’ kan jun estado richin calamidad, xkeqakusaj juntas chin calificación richin ri retal tzij, akuchi’ xke’ukusäx ütz taq b’anb’al chupam ri marco richin ri taqotzij, chin nib’an ronojel ri adjudicaciones pa saqil.
B’eyalil richin saqil
Ri CIV nub’ij chi yalan e k’atzinel ri q’asab’äl tzij richin rusamajxïk re jalajöj taq samaj re’, ruma ri nub’än promover ruparticipación richin nik’oxïk chuqa’ tzijob’äl kik’in ri winaqilal, chi ruchuq’ub’axïk ri saqil pa ronojel rub’anb’al.
Ri molojri’ïl nuq’alajirisaj chi jun k’atzinel b’eyalil ja ri’, ri nikoje’ jutaqil tzijol kik’in ri jalajöj taq dependencias richin ri Saqamaq’ richin ruq’alajsaxïk ri jalajöj taq rub’eyal samaj ri xke’usäx richin rumolïk ri tzijob’äl pa ruwi’ infraestructura ri man e utz ta chik.
Rusijol richin samaj
Jun chi ke’ ri b’eyalil janila k’atzinel ja ri’, ri rub’ankil jun rusijol richin ri avances. Re’ rayb’än richin pa runik’ajal ri q’ijul richin ri estado chi calamidad.
Ri ruya’ik rutzijol ronojel ri xtib’antäj xtitaq el chi re’ ri champomanel chuqa’ chi re’ ri Contraloría General richin Cuentas. Re’ xtitalux rutzijol pa taq q’axab’äl richin ri tinaminatil nretamaj pa ruwi’ re’.
Ri rusijol samaj xtub’än detallar ri resultados richin ri samaj xb’an, richin ntalüx rutzijol rub’eyal rukusaxïk ri jujun manq’uq’ chuwäch re q’ijul re’. K’in re re’ nijikib’äx chi ri taq tob’äl ye’ukusäx ta pa rik’atzil chuqa’ saqil.
#CIVEstadoDeCalamidad⚒🚧🚜👷♀👷♂🛣
El #EstadoDeCalamidad nos permite actuar con rapidez y eficacia para mitigar daños y proteger a las comunidades.#RescatemosGuatemala🇬🇹 pic.twitter.com/OzFoJYv3Gp
— Ministerio de Comunicaciones (@CIV_Guatemala) July 8, 2024
Nab’ey taq b’anb’al
Ri CIV xutz’aqarisaj ri chi q’alajarisanem richin estado chi calamidadc hanin nsamaj chuwäch xab’achi ke k’ayewal xtuküt pe ri’ ruma ri jöb’. Nub’ij ri chitüy richin Ajtzij, chi kan xtib’an priorizar ri atención richin ri autopista chi la’ Palín Escuintla richin nb’an restaurar ri rutransitabilidad.
Ri taq b’anb’al chuqa’ rutz’eton chik chi tikirel yelöq’ nimaq’a’n richin to’ikem ri tikirel ye’ukusäx akuchi’ kan ke ri’ ye’ajowatäj.
Ke ri’ chuqa’, tz’eton chi tikirel ruqajïk jun maquinaria, ke chuqa’ ri’ ruloq’ïk jun equipo richin nya’ox chanin rusolïk xab’a chi ke’ k’ayewal. K’in re re’ chuqa’ nutun ri’ ri obtención chin edificios modulares richin kito’ïk ri tinamït yek’ayewatäj ruma daños pa instalaciones richin raxnaqil chuqa’ tijonïk.
Jun samaj ri nirajowaj to’onïk chanin ja ri’, ri rub’anïk rutzil ri rutas CA-9 Sur A, chi la’ Palín, Escuintla. Ri CIV nub’än detallar chi re re’ nub’än intervenir pa bienes concesionados, ruma b’anob’ab’ richin fuerza mayor.
En español:
CIV adopta medidas para garantizar transparencia durante estado de calamidad