Nk’yajchaq te tnom te Paxil, b’eljoj te’ xjaw lu. (AGN).- Toj jun tqanel ex kye q’il tqanel, aju’ ka’yel ti’j iyle’q’en toj tkyaqil tnom te paxil, Julio Flores, b’aj t’txolb’an jni’xju’ matx kamb’et tuk’e aq’untj tu’n tkutz jetpuj iyleq’en. Txi’xte’ toj txjawel abril, aju’ Tnej ka’yel ti’j iyle’q’en toj tkyaqil tnom (CNC) ku’b’ tb’incha’n jun kawb’il tu’n tmiet iyle’q’en. Aju’ t-txolel kawb’il lu jun techel tu’n tch’iy kolb’il kxol tnej aq’untj te Nejenel.
Flores xi tchi’kb’an qa nin ch’intl ti’baj jun mu’tx jun lajoj ti’j jun jok’alqe’ tnej aq’untj te Nejenel matx ku’b’ kq’on ja te aq’untj jatu’me’ ate’ q’uqb’il k’u’j. Qe’ ja te aq’untj te’kx toj tnej te kolb’il tu’n mi b’aje’ iyleq’en kxolqe’ nchi aq’onan toj tb’i Nejenel ex b’incha’n kyu’n oxk’al k’y’ jwe’ ajb’e’b’l te tnom bnchi aq’onan tu’n mi b’aje’ iyleq’en. Te’ tnej lu nimxix toklen tu’n txq’uqen ex q’ol xtokb’il tu’n txi b’inchet jni’ aq’untj toj tnom tojxix xtilen.
Xpi’chen ex tu’n tel ni’k ti’j jatu’me’ ta’ tquqb’il iyle’q’en
Aju’ xim tu’n CNC aju’ tu’n txi b’inchet toj t-txolel aju’ xpi’chen ex tu’n tel ni’k ti’j jatu’me’ ta’ye’ tquqb’il iyle’q’en. Teyele junje nejenel te tq’o’b’ aq’untj naq’onan tu’n tb’aj ka’yet ex tu’n tel ni’k’ ti’j jachaq tu’me’ ate’ ex tq’uqb’il iyle’q’en.
Xix xi tnejb’an Flores qa toj winqen q’ij chi kwel ye’ket twitzju’ aq’untj kxel b’inchet, aq’untj kxel b’inchet se’nku’ tqanel twitz ka’yel ti’j kawb’il, ch’ixpu’b’l aq’untj kye aq’onal majqa xix chielel. Aju’ tu’mel aq’untj lu jyon tu’n tkutz jetpuj iyle’q’en tu’n tb’aj ka’yet ti’j tojxix tu’mel ex toj xtilen.
Te CNC at twitz ta’q’en jaku’ tz’iwle tu’n tkutz jetpuj ma tu’n tkub’aj iyleq’en. Jun kxolqe’ aq’untj aju’ jun aq’olmil netz tyek’en tqalchaq aq’olmil oje chi tzaj lq’et te tnom.
Aju’ aq’olmil lu aq’pu’n toj oxe’ tnej: jun, jatu’me’ ta’ju’ tajlal, tkab’, jatu’me’ kyajb’ele’ puaq ex jte’ kwi’ aq’olmil chi tzajel. Ate ximju’ tu’n tiwlejs toj xtilen aju’ tqanel ti’j aju’ loq’enjs ntzaj tu’n tnom, nonen te’ lu tu’n tel ni’k ti’j jatu’me jaku’ txi b’inchete’ iyleq’en ex tu’n tmiet iyleq’en se’nku’ b’aj te B410, jatzun tu’me’ tu’mel kyu’n xjal tu’n mi chjete’ jun puaq te tnom.
🔴 | #ConferenciaDePrensa del Secretario de la @SCSPGT, @santipalomov, Ministra del @MINTRABAJOGuate, Ministro de @MagaGuatemala y el Comisionado de la @CNCguatemala. https://t.co/ghvn6W3c71
— Gobierno Guatemala (@GuatemalaGob) September 9, 2024
Chi kwel b’inchet aq’olmil te loq’enj te tnom
Juntl aq’untj nimxix toklen aye’ aq’olmil chi kwel b’inchet aye’ chi q’ol tqanel t-txlaj tnej ka’yel ti’j puaq (Minfin). Qe’ aq’olmil lu b’inchanqe’ tu’n kq’on tqanel ex tu’n tel ni’k’ ti’j junje ti’x’ti’ aj klq’et junje ti’xti’ te tnom. Kwel ye’k’et aj tel ab’q’i lu, atzun ktzaj q’on aq’olmil tu’n tb’aj ptxet ex ka’yb’il ti’j puaq kyekchetel tu’n Nejenel te tnom.
Qe’ aq’untj lu nia’ o’kx nchi jyon tu’n tmiet iyleq’en, extzun k’yonel tu’n tel ni’k ti’j jatu’me at techel iyle’q’en nxi b’inchet ex tu’n taq’le tzaq’we’b’lte toj ch’intqan.
En español:
Más del 91 % de instituciones del Ejecutivo cuentan con oficinas de probidad