Nkyajchaq tnom te Paxil, winqen k’y’ jwe’ mankb’il xjaw te ab’q’i kyajne (AGN).- Aju’ ka’yel ti’j aq’untj ex kolel chwinqlal (Mintrab) te’ wnqen k’y’ wuq te mankb’il xjal te ab’q’i kyajne etz tq’on tqanel toj tajlal 264-2024 chojb’il kye xjal kyoj ja te aq’untj toj qtanum te Paxil. Aju’ tajlal lu ku’b’ tz’ib’en toj tajlal xjaw winqen k’y’ wuqaq te mankb’il xjal te ab’q’i kyaje kyuk’e tjalal tu’n tchjet toj ab’q’i lu.
Aju’ chojb’il te junje q’ij ex toj xjaw elqe chojb’il te’ tnejel q’ij te xjaw kyajne te ab’q’i lu toj tkyaqil qtnum. Kyoju’ tajlal tokx twi’ k’u’j aq’onal twitz tx’o’tx, nia’ aq’onal twitz tx’o’tx, qe’ nex kk’a’xjel toj juntl tnom exqe nchi tajk’un ma nchi tzon xb’alen te’ juntl ab’q’i. se’nku’ tz’ib’en toj kawb’il.
Jni’xju chojb’il twi’ kk’u’j xjal te twitz tx’otx ma nia’, kub xnaq’tzet ex ku’b’ yolet ti’j kyoj b’ampe’ tnej te aq’untj.
Jni’qexju’ chojb’il lu te’kx toj tajlal lu CE1 toj nk’yajchaq tnom te Paxil aye’tzuntlju’ toj CE2 kye tkyaqil k’o’k’e tnom te tkyaqil tnom te Paxil
Jni’qexju’ aq’untj te twitz tx’o’tx ma nia’ te’kux toj yol tz’ib’en toj tnej kye tnom kmujb’ank kyb’ (ONU) kye tnej nia’ te tnom.
Jatume’ npone toklen 1 CE1 (nk’yajchaq tnom te Paxil)
Ma kyaj twi’ kk’u’j aq’onal twitz tx’o’tx toj CE1 te jun jok’al k’y’ wajxaq lajoj tuk’e kyajlajoj (Q118.14) te jun q’ij, atzu’n toj xjaw kxel chjet oxe’ ston jwe’ jok’al jun mu’tx oxlajoj tuk’e kawnaq k’y’ o’lajoj (Q3,593.55) qatzun ma jaw tajlal toj junje a’mb’il atzun ok tq’a’ju’ aju’ tajlal jawt.
Kyeqe’ aq’onal nia’ te twitz tx’o’tx toj tnej CE1, kyaj te jun jok’al k’y’ winqen k’y’ ka’b’e’ tuk’e kawnaq te junje q’ij (Q122.40) atzu’n toj xjaw nel tu’n oxe’ ston wuq jok’al k’y’ winqen k’y’ oxe quetzal tuk’e jwe’ centavo (Q3,723.05) aju’ chojb’il lu kxe’l teyele junje a’mb’il.
Atzu’n chojb’il kye’ aq’onal nchi k’ayen ti’jxe qtanum ex qe nchi tajk’un ex nchi tzon xb’alen toj CE1, atzun chojb’il kxe’l kye junje q’ij aju’ jun jok’al k’y’ wuq quetzal tuk’e oxk’al b’eljoj centavo (Q107.79), atzu’n toj xjaw nel tu’n oxe’ ston tuk’e oxk’al wajxaq lajoj quetzal tuk’e kawnaq b’eljoj lajoj centavo (Q3,278.59), jakutzun jaw jun tajlal toj junje a’mb’il atzta’ se’n nchi aq’onane’.
Aye’ tnom te’kx toj 2 CE2 (qeju’ txqantl k’o’k’e tnom toj tkyaqil qtnum)
Aju’ chojb’il twi’ kk’uj aq’onal te twitz tx’o’tx twitzele junje q’ij kye’ te’kx toj CE2 kyaj te jun jok’al kab’laljoj quetzal tuk’e jun mu’tx b’eljoj lajoj centavo (Q112.99); atzu toj jun xjaw te oxe’ ston kyaje’ jok’al winqen wuqaq lajoj quetzal tuk’e jun mu’tx k’y’ wuqaq centavo (Q3,436.86), jakutzun jaw q’in tajlal toj junje a’mb’il atz ta’ se’n tu’mel chi aq’onale’
Qeju’ aq’untj nia’ te twitz tx’o’tx atzun chojb’il kxe’l kye te jun jok’al k’y’ wuqaq lajoj quetzal tuk’e oxk’al k’y’ oxlajoj centavo (Q116.73), atzu’n te xjaw kxel chjet oxe’ ston jwe’ jok’al k’y’ nikjan jok’al k’y’ oxk’al centavo (Q3,550.60). Te’ lu atz chi lpeb’ele’ ti’j tu’mel se’n chi aq’onale’.
Aye’tzu’n aq’onal ti’j k’axjel nchiex k’ayet penxe’ exqe’ nchi tajk’un ex nchi tzon xb’alen atzun twi’ kk’u’j kxel chjet te jun q’ij te jun jok’al k’y’ jun quetzal tuk’e jun mu’tx k’y’ oxe’ centavo (Q101.83) atzu’n toj xjaw chi chjetel oxe’ ston jun mu’tx wuq lajoj quetzal tuk’e winqen k’y’ jun centavo (Q3,097.21). Te’ lu atz chi lpeb’ele’ ti’j tu’mel se’n chi aq’onale’.
💼 ¡Buenas noticias para los trabajadores de Guatemala! El Presidente @BArevalodeLeon ha anunciado un incremento al salario mínimo.
Este es el aumento más significativo desde 2011, impulsando la productividad y el bienestar de las familias guatemaltecas. 🧑🧑🧒🧒 pic.twitter.com/HjQpCEiJ3H
— Gobierno Guatemala (@GuatemalaGob) December 24, 2024
Echb’il
Kxol junje echb’il tku’x toj kawb’il atz ta’:
- Tnej aq’onal te Mintrab kka’yel ti’j tu’n txi b’inchet aju’ kawb’il lu.
- Junje chojb’il te junje q’ij se’nkuxju’ toj xjaw kxel b’inchet toj tnom jatu’me teye’ tqan aq’untj jatu’me’ nchi aq’onane’ xjal.
- Tib’ajxeju’ twi’ kk’u’j ok kxel juntl chojb’il kye se’nku’ juntl o’nb’il se’nku’ tk’u’x toj tajlal oxk’al wajxaq lajoj-jun mu’tx beljoj 78-89. Te’ chojb’il tla’ tu’n tku’b’ aq’pet.
- Te Mintrab il ti’j tu’n tku’b’ tq’on tzeijsb’il witzb’aj se’nku’ tk’u’x toj kawb’il te ja’ naqtzun aju’ nia’ ky’j aq’onal.
- Jni’xju’ tk’u’x toj kawb’il lu, il ti’j tu’n tex q’met kyojqe’ jni’ yol ate’ toj qtanum te Paxil.
- Te’ kawb’il lu kyelelqe toklen jun te’ tnejel xjaw te ab’q’i lu ex sqiten tu’n nejenel ma wixen te Qtanum Bernardo Arévalo, Bernardo Arévalo, exqe’ nejenel te Mintrab.
En español:
Salario mínimo 2025: Estos son los montos oficiales del aumento